نجم الأهلي السابق: “اللي بيعمله كهربا وإمام عاشور على السوشيال ميديا مش متعودين عليه في النادي”!! – فيديو

إنتقد محمد عبد الجليل، نجم الأهلي السابق، تصرفات ثنائي الفريق محمود عبدالمنعم كهربا، والخائن إمام عاشور، على مواقع التواصل الإجتماعي، مشددا أن هذه الامور غير مألوفه داخل الاحمر.

وقال عبد الجليل في مداخله هاتفية ببرنامج “اللعيب”، عبر قناة “mbc مصر”:” التوتر مش سبب الهزيمه لوحده امام الزمالك، طبيعي الزمالك يكسب، التوتر اللي فيه كولر واللعيبه وسوء المستوي وتذمر اللعيبه والاصابات هم السبب”.

وتابع:” كمان في حاحات بتتعمل كثير مش الأهلي، سوشيال ميديا كثير من كهربا وامام ودي حاجات مش متعودين عليها في الأهلي، ولاعب بيرد على لاعب، ولاعب يرد على الجهاز واسباب تؤدي لسوء المستوى”.

وشدد عبد الجليل:” اللي لعب في الاهلي يعرف في اي ازمه وخطر بيرجع ثاني، وعندنا مثل بعد خسارة الاهلي من صن5 عاد بعدها”.

واضاف: “انا براهن على اللعيبه في مباراة مازيمبي، المباراة صعبه لانها الساعه3 العصر، ومازيمبي عنده رئبس نادي له نفوذ كبير وفي مضايقات للاهلي”.

واشار عبد الجليل:” اي تشكيل لو مكنش في روح ورجوله ويشيلوا بعض هيبقى في مشكله، وبخص عبدالمنعم ولازم يسمع الكلام ويبقي هادي مع اللعيبه، ويعرف ان في لعيبه قده30 مره الكره جبتهم تحت رجلها”.

واتم: “كولر مدرب كويس ومحظوظ، وماخدش البطولات دي كلها قبل الاهلي،،مع النادي 7 بطولات دي تخلي اي حد يتغير، وهو متغير وماشي بنغمه هاكسب باي حد وهعمل روتيشن لازم يثبت التشكبل”.

شاهد: