شرط في عقد جوميز !!؟ الغندور يفجر مفاجأة مدوية حول سبب خسارة الزمالك امام سموحة !!!! – فيديو

كشف الإعلامي خالد الغندور، عن مفاجأة ، بعد خسارة الفريق الأول لكرة القدم بنادي الزمالك امام سموحة اليوم في بطولة الدوري المصري الممتاز.

حيث قال خالد الغندور في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية تقديم الإعلامي سيف زاهر : من الواضح أن في شرط في عقد جوميز بيقول أنه يكمل لو خد الكونفدرالية .

وواصل : وبسبب الشرط دا فكله مركز على الكونفدرالية سواء اللاعبين أو الجهاز ، فعلشان كدا لعب بأي تشكيل ، ومريح الناس المهمة كلها .

وأشار : ومفيش مدرب هيقولك معنديش لعيبة ويقطع فيهم ، لكن في النهاية فيه عواميد للفرقة وعناصر أساسية كانت غايبه النهارده.

واكد : الزمالك معتمد على عواد فقط بقاله فترة ودا غلط ، لازم صبحي يدخل علشان عواد يحس أن في حد بينافسه.

واستمر : الدوري معناه ، أن انت عندك لعيبه تكمل الدوري وتلعب كل 3 ايام ماتش ، والأهلي عنده الحته دي بسبب أن فيه عناصر كتير متاحة في كل مركز، لكن الزمالك معندوش الحته دي.

وشدد : الزمالك قدم مباراة متوسطة ، ومكانش في تجانس ولعيبة مش بتلعب في مكانها ، في مشاكل في الفرقة.

وزاد : زياد كمال لعيب كويس ، سيف فاروق جعفر بقاله سنتين مش بيلعب كورة علشان كدا مش فورمه ، وخد فرصة بشكل مفاجئ.

واستطرد : زياد كمال لعيب كويس أوي، عواد مستواه متوسط مش وحش ولا حلو ، ولا يسأل عن الهدف ، في المجمل عواد حارس كويس جدا، قرار الغاء ضربة جزاء الزمالك صحيح ميه في الميه وطرد حسام حسن مش صحيح ، ولكن الكرة بتاعته مفيهاش ضربة جزاء.

كان فيه لعيبه قدامي بتمثل في ضربات الجزاء ، وحسام حسن من النوعية دي ، لدرجة أن البنا اتخنق منه وطرده وهو لا يستحق الطرد.

شاهد الفيديو