وجه ابراهيم حسن مدير الكرة بمنتخب مصر ، انتقاد قوي لأحد الإعلاميين دون ذكر اسمه ، مؤكدا أن أحد الإعلاميين يقوم بضرب الأخبار.
وقال ابراهيم حسن في تصريحات لبرنامج ملعب أون تايم : احنا عمالين نسمع قصص الفتايين كتير أوي ، انتوا عاوزين ايه ؟
وأشار : عاوزينها تولع ؟ فيه روح جميله ، وعمالين نستغرب واحد هايف عمال يطلع إشاعات.
واضاف إبراهيم حسن: في واحد هايف كل يوم بيطلع إشاعة علشان يعمل تريند في البرنامج بتاعه ، بقوله إهدي شوية.
وشدد : احنا مستحوذين طول الماتش وبنضيع فرص طول الماتش ، احنا راضيين على النتيجة ، النهارده لو غينيا كسبت كان هيبقي الفارق بينا نقطه واحده.
وأكد : الاداء مكانش عالي أوي ، لكن مكانش فيه فرص علينا خالص غير غلطة الهدف.
واستمر : إزاي مفيش فار ، لازم يكون فار وأفريقيا مش قليله ، أتمني الإتحادات تتبني القصة دي ، علشان في أخطاء تحكيمية كتيره جدا.
وزاد : لازم الإتحاد الأفريقي يراجع نفسه ويطلب مساعدة الفيفا في موضوع الفار.
واستمر : مفيش حاجه أعلي من تصفيات كأس العالم ، و الكونفدرالية ودوري ابطال افريقيا فيهم فار ، وماتشات تصفيات كأس العالم مفيهاش فار.
وأتم : الماتشات الجاية هنقدم ماتشات قوية برده واقوي من كدا.
شاهد الفيديو
