” البرازيلي بيضحك علينا’.. رأي مثير للجدل من حسن شحاتة بشأن بيزيرا وناصر منسي مع الزمالك!!
أطلق الكابتن حسن شحاتة، نجم ومدرب منتخب مصر الأسبق، مجموعة من التصريحات النارية والتحليلية بشأن أداء لاعبي نادي الزمالك في الفترة الحالية، وذلك خلال حديثه مع الإعلامي أحمد حسام “ميدو”.
وقال شحاته، خلال تصريحات تليفزيونية ببرنامج” أوضة اللبس”، عبر قناة” النهار”:، رأيك إيه في بيزيرا الأول؟رأيي إن هو لعيب بيضحك علينا، ليه بقى؟ لأن هو يعني أنا عمري ما شفت لعيب بيعيط، يعني هو جه في وقت من الأوقات عيط عشان مين عمل له إيه وبتاع والكلام ده كله’.
وتابع: “هو لعيب كويس آه، لكن مش محتاج إنك تعيط عشان تجذب الجماهير ليك أو عشان تخلي الجماهير تقول والله ده لعيب كويس. لا، اللعيب الكويس بيبان عليه، وبيبان على تواجده مع الفرقة، هو تواجده مع الفرقة إن هو واخد حتة إن هو يشتغل بشماله وشماله”..
واجاب شحاتة ردا على سؤال ميدو هل بسبب عدم وجود لعيبة مميزة كتير بيزيرا ظاهر بشكل كويس؟:” هو أكيد لأن هو الوحيد اللي كويس في الزمالك”.
وشدد: “عبد الله السعيد آه، اللي هو لعيب يعني.. آه عبد الله السعيد زينا كلنا للأمانة يعني، تحس إن هو لعيب من الجيل القديم، من الجيل القديم بالظبط، عشان كده بقول ده الوحيد اللي هو لعيب عندنا من الزمالك ما شاء الله عليه”.
واختتم:” ناصر منسي؟ ناصر منسي وقتي.. يعني إيه لعيب وقتي؟ يعني لعيب مش أي وقت بيجيب لك جون، لا هو بيجيب جون في وقت معين، لعيب لحظات، بيجيب له جون في وقت معين، لكن هو من ناحية لعيب، لعيب بيحارب أو بيحاول على كل كورة. يعني الأجوان اللي جابها الماتش اللي فات، في جون حلو قوي في المصري، وخاصة شاط الكورتين الأولانية والتانية على ما أظن، التانية اللي شاطها وراح واخدها كده، مش عاوز أقول لك هو بيحاول بيكافح.. بيكافح، ولما بيكافح ربنا بيديله صحيح”.
