وجه الإعلامي مدحت شلبي، سؤال ناري لمصلحة الضرائب المصرية بشأن عقود أحمد سيد زيزو لاعب الأهلي وباقي عناصر الفريق، وكتابة أرقام أقل مما يتقاضاه اللاعبون.
وقال شلبي، خلال تصريحات تليفزيونية ببرنامج “يا مساء الأنوار”، عبر قناة “mbc مصر 2″:” قالوا الاتحاد هيراجع عقود اللاعبين اللي اقل مما يتقاضاه اللاعب، اللي كتبها الاهلي، ومنهم عقد زيزو اللي مكتوب ياخد 5 مليون جنيه فقط”.
وأضاف:” أخاطب مصلحة الضرائب، لان بتروح لها صورة من العقود دي، هل الضرائب مقتنعه ان عقد زيزو 5 مليون جنيه فقط؟ “.
و اشار شلبي:” انا عملت مره اعلان جمعية رساله وعزمتهم عندي في البيت، والضرائب حاسبتني عليه وانا ماخدتش اجر ووديت لهم ورق بكده”.
وواصل: “هل الضرائب مقتنعين ان العقد بالقيمة دي، دي فلوس الشعب، و اللعيبه الفرحانه بالعقد انه 5 مليون، و حصل ازمه مع النادي، ياحبيبي انت الخسران لان ده العقد المعتمد حتى لولك عقد موازي”.
وأختتم:” الزمالك بيحط عقود لاعبيه زي ما هي اتمنى نهدي بلاش زوبعة في فنجان، وبلاش قطة الزمالك والاهلي تبقى جمل وقطة الانديه الاخرى تبقى قطه علشان تنتظم الكرة المصرية”.
