أكثر من مجرد تطبيق: ما الذي يفعله تطبيق زملكاوي في الغرف المغلقة لحل أزمة إيقاف القيد وصفقات الفريق
كشف عمرو عبد المحسن، الرئيس التنفيذي لتطبيق “زملكاوي”، عن خطوات ملموسة لدعم القلعة البيضاء ماليًا، مؤكدًا خلال مداخلة هاتفية في برنامج “كلمة أخيرة” على قناة “أون”، أن التطبيق نجح في توفير 35 مليون جنيه خلال الشهر الأول من إطلاقه.
وقال عبدالمحسن عبر برنامج كلمة أخيرة على قناة أون:” التطبيق جاء لمساعدة نادي الزمالك مالياً ودعم النادي إعلاميا، التطبيق اول شهر نزلنا بيان أنه تم توفير منه 35 مليون جنيه”.
وتابع:’ومن يومين أطلقنا أن الفلوس اللي هتيجي من الاشتراكات في الابلكيشن هتروح 100% لنادي الزمالك وقدرنا نجمع فلوس أول قضية”.
وشدد عبد المحسن: “وخبر حصري ليك يا أستاذ أحمد من شويه جمعنا مبلغ فك القضية الثانية لنادي الزمالك وهنعلن عنها، إحنا معملناش حاجه جديدة كل الابلكيشن في العالم كلها للأندية في الدوري الانجليزي أرسنال أو غيره الاشتراك بفلوس وبيبقى في مزايا للمشترك”
ومن جانبه قال أحمد سالم عبر برنامج كلمة أخيرة على قناة أون: “دي مش تبرعات علشان الناس تبقى فاهمة .. دي اشتراكات لمزايا جوا التطبيق”.
ليرد عبدالمحسن:” مظبوط وده موجود في العالم كله وبيساعد الأندية، في مفاجات كتيرة جايه في التطبيق مش هنقدر نعلن عنها هتبقى كويسه اوي للجمهور “.
وأختتم:’ هدفنا نوصل 15 مليون مشترك زملكاوي على مستوى العالم كله لو اتكلمنا بالارقام احنا لو قدرنا نوصل إلى 5 مليون مشترك هنبقى حلينا كل مشاكل الزمالك والقيد والصفقات، لو زي ما طموحنا نوصل إلى 15 مليون مشترك هنبقى من اغنى أندية المنطقة كمان وده اللي بنسعى ليه”.
