اوضح محمود حمدي “الونش” مدافع الفريق الأول لكرة القدم بنادي الزمالك، سبب رفضه عرض الأهلي، وتمسكه بالبقاء داخل جدران القلعة البيضاء.
وقال الونش، خلال تصريحات تليفزيونية ببرنامج “الحكاية”، عبر قناة “mbc مصر”:” موضوع انتقال اللعيبه من الزمالك للأهلي بقت كتير وترجع للاعب، وهو عاوز ايه، يكمل مع النادي ده و بيحب الجماهير وليه اهداف هو بيختار وقتها”.
و أردف : “لما لما اتحطيت في الموقف ده وكلمومي علشان اروح الأهلي، قولت النادي ده كان له فضل كبير عليا والامور الماليه دي اخر حاجه افكر فيها، وكان في كلام عن الاهلي وربنا كرمني واستمريت في الزمالك، هي تفاصيل وكل واحد عنده هدف انا من اكتر من المدافعين حاصل على بطولات، وانا عندي هدف اكون الاكثر حصولا علي بطولات مع الزمالك”.
وواصل الونش:” الاصابة بـ 2 رباط صليبي امر وحش، لكن كان غباء مني ورجعت بدري علشان منتخب مصر مستر فيتوريا كلمني وقالي محتاجك وقالوا مخاطره بس انا كنت حاسس ان “فيت” لكن كان لازم استمر في التأهيل مفكرتش ولعبت مع المنتخب واتصابت وطلع رباط صليبي “.
وأتم:” وكان امر صعب ولكن بدعم الجمهور والناس بتحبك بتساندك وعدت ورفعت بطولات والسنين الجايه نرفع بطولات اكتر”.
