كشف الإعلامي أحمد شوبير، سبب غضب مسئولي، النادي الأهلي، من ييس توروب، المدير الفني للفريق الأول لكرة القدم بالأحمر.
وقال شوبير، خلال تصريحات تليفزيونية ببرنامج “الناظر”، عبر قناة “النهار”:” يستغرب إمبارح في المؤتمر الصحفي لما اتسأل ييس توروب قال مش قراري، أنا حابب، أنا مبسوط بمصر جداً وحابب أقعد والكلام ده مش معايا، اسألوا إدارة النادي الأهلي، في تأكيد إنه راجل متمسك بالتعاقد بتاعه”.
وأردف: “توروب طلع إمبارح كان غاضب جداً من قصة إنه ما حطش التشكيل وإنه وإنه، وبدأ يفتح النار على الإدارة وعلى الصفقات وعلى عادل مصطفى وعلى الدنيا كلها، وده أثار غضب واستياء شديد داخل النادي الأهلي.”.
وأكد شوبير:” توروب مضايق الناس داخل النادي الأهلي حالة غضب شديدة جداً جداً من الراجل، بيحاولوا طب تاخد ثلاث شهور؟ طب تاخد خمس شهور؟ فالقصة مش ماشية زي ما النادي الأهلي شايف”.
وواصل:” يعني هم مثلاً إيه قالوا له يا عم لاعب بن شرقي رأس حربة، قال لك لعبته قدام الترجي، لأ ما يلعبش تاني، لعبه ثالث ورابع إيه المشكلة يعني؟ لاعب حسين الشحات، لأ أصل حسين مش عارف إيه، ولما لعب والله أنا مبسوط، زعلوا متضايقين غضبانين،”.
وأكمل شوبير: ” حالة غضب داخل النادي الأهلي وقالوا إنه يعني في إدارة النادي الأهلي قال لك يعني قعد لعيب شهرين ثلاثة جنبه وبعدين في الآخر لما بينزلوا بيغيروا شكل الفرقة وشكل النادي بيتظبط في آخر أسبوعين، طب ما كان من بدري! فالنادي الأهلي استقر إنه بعد مباراة المصري هيقعدوا مع الراجل يتكلموا معاه يحاولوا يخلصوا القصة شكلها عاملة إزاي”.
