“كنت مستني يتقال برافو”.. هشام نصر يكشف تطورات الرخصة الأفريقية وأزمة القيد في الزمالك.. ورسالة هامة
وجه هشام نصر، نائب رئيس مجلس إدارة نادي الزمالك، رسالة هامة خلال مداخلة هاتفية عبر قناة “أون سبورت ماكس”، مؤكداً خلالها على ضرورة تكاتف الجميع لدعم القلعة البيضاء في المرحلة الراهنة، ومشيداً في الوقت ذاته بالإنجازات التي حققها النادي رغم الظروف القاسية التي مر بها.
وقال نصر، خلال مداخلة هاتفية عبر قناة” أون سبورت ماكس”:” أنا عايز اقتبس جملة من فخامة الرئيس.. وهو لما أنا اكون راكب عربية على قدي واللي جنبي راكب مرسيدس ولما اسبقه ميقلش ليا برافو!”.
وتابع:” أنا كنت مستني يتقال لنادي الزمالك برافو .. إحنا في أصعب ظروف مرت في تاريخ النادي بنحقق لقب الدوري المصري “.
وواصل نصر:” ودي رسالتي للدولة المصرية .. شوفتوا جمهور نادي الزمالك وشوفتوا المنافسه .. لازم يكون في نظرة لنادي الزمالك مش علشان نادي الزمالك علشان الكرة المصرية، لما يكون في خمس فرق أو أكثر في منافسه هتفرق في صالح الكرة المصرية”.
وبشأن أزمة القيد؟ أكد:” قريباً بإذن الله هتلاقي الأفعال بتتكلم.. لما توصل لدوري ابطال افريقيا بعد غياب من سنين اكيد دي فرصه عمرنا ما هنضيعها”.
و اردف نصر:” أنا بقول بس لكل جماهير الزمالك ومحبيه ورموز نادي الزمالك والكل اتمنى يحصل تكاتف اتمنى يحصل تكاتف كلنا مع بعض .. ابلكيشن نادي الزمالك ده هيبقى داعم كبير وهيحل أزمات كتيرة “.
وأختتم:” إحنا شغالين من فتره وبإذن الله تعالى هنحصل على الرخصة الأفريقية وممكن يبقى في مد للوقت كمان وبنسعى لحل كل حاجه”.
