اوضح محمد إسماعيل، لاعب نادي الزمالك، دور جماهير الفارس الابيض مع الفريق وخاصة في الأوقات الصعبه طوال الموسم.
وقال إسماعيل، في تصريحات تليفزيونية عبر قناة “أون سبورت ماكس” ردا على سؤال ماتش الأهلي، الزمالك مغلوب الجمهور بعد المباراة مباشرة ما فكرش ما كانش في وجهة نظر تدعم اللعيبة ما تدعمهاش، لا بيحصل مشهد نادراً ما بنشوفه. واقع ده على اللعيبة إيه؟ يعني اللعيبة في الملعب اتفاجأتوا بده إن ده بيحصل؟ أثّر فيكم إزاي؟”: “أنا نفسي اتفاجأت لأن أنا كنت واقف.. أنا والونش كنا رايحين نسقف للجمهور، أنا اتفاجأت”.
و أردف:” إحنا كنا رايحين نسقف لهم بنقول لهم ما تزعلوش ومتوقعين رد فعلهم يكون وحش لأن العكس.. فـ أنا زعلت أكتر”.
وتابع إسماعيل: “ما كنتش عارف إن ده اللي هيحصل من الجمهور. أنا كنت متوقع اللي هم زعلانين، صفر فزعلانين جداً فلما رحت لقيت الرد الفعل ده، لا زعلت أكتر كنت عايز ماتش سموحة تاني يوم على طول عشان أقدر أعمل لهم أي حاجة أعوضهم على الماتش ده”.
وشدد:” بالنسبة للفريق إيجابي لأي درجة؟ “بيحطنا تحت مسؤولية اللي إحنا لازم نكسب عشانهم، إحنا مش قدامنا اختيار اللي إحنا لازم نفرح الناس دي، عكس مثلاً لو هم بيهاجمونا، بيكون لو لعيب اتنين تلاتة أربعة عايزين يعملوا حاجة عشانهم، مش هتلاقي كل التيم متفق على حاجة واحدة اللي إحنا لازم نكسب عشانهم.”
وعن مشهد الجمهور ينادي اللعيبة في آخر المباراة ده الشكل الطبيعي. لكن جمهور الزمالك عمل حاجة الموسم ده إنه بدأ ينده اللعيبة بين الشوطين كان بيربكك ولا لا؟ وسريعاً فرق في إيه؟”
ليجيب إسماعيل: “كان بيعمل كده جمهور الزمالك لما بنكون وحشين في الشوط الأول كان دايماً لما بنكون وحشين في الشوط الأول بيندهونا بين الشوطين وجصل في ماتشات زد والحرس وإنبي و اتحاد العاصمة كان كل ماتش إحنا بنكون فيه مشكلة في الملعب كان بيحاولوا يساعدونا، وبنروح لهم. وكان في ماتشات كتير قوي بالشوط التاني الوضع بيختلف بسبب الموضوع ده (2:36)، بسبب اللي هم بينادونا وبنروح لهم”.
وأتم:” التفاصيل دي يعني فرقت معانا كتير ،في الأداء يفرق بشكل عام حتى بعيد عن النتيجة، زي التليفون على الشاحن كده”.
