تحدث الكابتن معتمد جمال، المدير الفني لنادي الزمالك، عن أسباب الخسارة أمام الأهلي، موجهاً رسائل اعتذار لجماهير القلعة البيضاء.
وقال جمال بعد الخسارة من الأهلي في المؤتمر الصحفي:” ماتش سئ جدا بالنسبالنا والنتيجة اسوء .. مكناش عاملين حسابنا على كده خالص ”
وأضاف:” لكن هي دي كرة القدم.. كان عندنا أخطاء كتيرة النهاردة سواء في الهدف الأول أو الثاني وفي الشوط الأول “.
و أردف جمال:” بدأنا الشوط الثاني كويس لكن ركلة الجزاء اللي ضاعت كانت نقطة تحول في المباراة، مش عايز أقول لو دخلت وبقت 2-1 كان حصل ايه .. قدر الله وما شاء فعل “.
وشدد:” اكتر حاجه مضايقاني هو جمهور نادي الزمالك النهارده وأنه يروح زعلان، هنموت نفسنا في اللي جاي علشان نفرحهم وربنا يكرمنا بإذن الله”.
وردا على سؤال ليه حسام عبدالمجيد سدد ركلة الجزاء رغم أنه ضيع قدام إنبي في الدور الأول؟ اجاب جمال:” حسام هو رقم 1 في تنفيذ ركلات الجزاء وكل لاعب وارد ميبقاش في يومه “.
وعن لقطة نرفزة عبدالله السعيد اثناء الاستبدال؟ أكد:” مشوفتهاش وبعد اذنكم مبحبش اركز في القصص دي ولا حد يكلمني على حاجات تعمل مشاكل .. اي لاعب في نتيجة زي دي وارد يكون خارج زعلان وده طبيعي .. معنديش اي تعليق “.
وأختتم:” الضغوط في اللي جاي؟ من أول الدوري واحنا مضغوطين والفريق اتعود على كده … بإذن الله تقفل صفحه مباراة الأهلي وقدامنا 6 نقاط هنحارب عليهم”.
