عبد الواحد السيد يتحدث عن أرض الزمالك الجديدة.. ورد ناري من مهيب عبدالهادي ويهاجم مسئولي النادي!!

تحدث عبد الواحد السيد، مدير الكرة السابق بالزمالك، عن منح النادي أرض جديدة لبناء الفرع الثاني للفارس الابيض، ورد الإعلامي مهيب عبد الهادي وهاجم الادارة ومحبي الزمالك.

وقال السيد، خلال تصريحات تليفزيونية ببرنامج “اللعيب”،عبر قناة “mbc مصر”:” لما الارض اتسحبت قولت هتعمل ازمة كبيرة، وكانت مديونية النادي800 مليون، وعودة الارض شئ محترم وباشكر اي مسئول كان له دور، واتمنى دخل الارض يروح للارض للحفاظ عليه علشان لما تعمل الفرع ده هتعمل فرع كمان”.

وتابع: “خلي مثلا 30٪ فقط لاغير لفريق الكرة، والباقي للارض”.

ليتدخل الإعلامي مهيب عبد الهادي:” ماهو تختار لعيبه كويسه والزمالك دخله فلوس كتير وعليك 18 قيد”.

ويرد عبد الواحد:” عندك كابتن احمد سليمان اساله”.

ليجيب مهيب: “انا مش جايب احمد سليمان عضو مجلس جايبه محلل”.

وواصل عبد الواحد:” انا دخلي مبلغ مروحش اتعاقد بضعف الرقم ده ومش في كرة القدم فقط، اللي خلى رقم عمر فرج يوصل كده هو و مصدق لازم يتحاسب، الارض مفتاح كبير للنادي لو رجعت المميزات في الارض القديمه هتعمل طفره للزمالك “.

وشدد:” في حاجتين شغالين عليهم في الزمالك منهم شارع جامعة الدول دورين في تفكير يتعمل دور تالت، وبيقعدوا مع وزارة الاوقاف من اجل انهاء ازمة الارض”.

وعاد مهيب عبد الهادي قائلا: “الله اعلم بقى، انت واخد دوري ومتعرفش هتلعب افريقيا ولا لا، كفايه كلام في الزمالك بتحب الزمالك فين الفعل؟ واللي يطلع يقولك هعمل 2 مول وهدفع ويرجع مش هدفع، كله بيعمل شو واللي بيدفع يطلع يقول مش هدفع”.

واتم:’ طالبين ان الدنيا تكون طبيعيه والزمالك بشعبيته وجماهيريته ويكون له اكثر من فرع وياخد وضعه الطبيعي ويكون عنده رعاية واعلانات، عيب يكون عليه 18 ايقاف قيد ودي وصمة عار، وبتكلم على لعيبه بملايين الملايين ومبتلعبش وايه الكوارث دي”.