أعلن الدكتور محمد الشاذلي، المتحدث الرسمي باسم وزارة الشباب والرياضة، عن تفاصيل الانفراجة الكبرى في ملف أرض نادي الزمالك بميت عقبة ، مؤكداً وجود توافق كامل ومرونة كبيرة بين الوزارة وهيئة الأوقاف المصرية ومجلس إدارة النادي للوصول إلى تسوية نهائية ومستدامة للأزمة.
وقال الشاذلي، خلال مداخلة هاتفية ببرنامج “على مسئوليتي”، عبر قناة “صدى البلد”:” هناك الحقيقة توافق كامل من هيئة الأوقاف، مرونة كبيرة جداً جداً عايز أقول كل الشكر والتقدير لوزارة الأوقاف وهيئة الأوقاف المصرية على المرونة الكبيرة جداً اللي أبدتها لضرورة التوصل لحلول فيما يتعلق بنادي الزمالك”.
وتابع: ” لم يتم طرح لا الآن ولا قبل كده ولا مستقبلاً ما يتعلق بسحب أي مساحة أرض من نادي الزمالك ، وإن لا بد من الحفاظ على نادي الزمالك واستقراره وحقوق أعضاءه وجماهيره “.
وشدد الشاذلي:” من الناحية الثانية نادي الزمالك الحقيقة كان بيقدر جداً الحلول والأفكار اللي طرحتها هيئة الأوقاف المصرية لحلحلة الأزمة للوصول إلى حلول توافقية تنهي الموضوع بشكل فيه استدامة “.
و واصل:” النهارده يمكن الوزير جوهر نبيل اتكلم في الجزئية دي وقال: (إحنا مش عايزين نعمل حلول جزئية يتم بعد كده بعد شهر بعد… نهائي مستدام حتى مع بعد انتهاء مدة المجلس الحالي ما يكونش فيهه أزمات) حل مستدام مستقبلاً لنادي الزمالك ينهي بقى الأزمة دي نهائياً، ما يبقاش فيها كلام تاني مرة ثانية وده هيتم خلال الأيام المقبلة استمرار بقى بعض المباحثات كده”.
وأكمل الشاذلي: “ودراسة مجلس إدارة نادي الزمالك من خلال بعض الجهات الفنية للثلاث مسارات للحلول اللي كلمت حضرتك فيها إما شراكات ومشروعات استثمارية: بين النادي وبين هيئة الأوقاف وإما التوافق على قيمة حق انتفاع وعقود طويلة الأجل: بين النادي والهيئة وإما إن الزمالك يكون عنده قدرات مالية: من خلال مشروعات أخرى هيتم تنفيذها وجدولة الامتلاك بقى زي ما حصل في الـ 90 ألف متر يحصل في الـ 50 ألف متر المتبقية”.
وردا على سؤال هل كان هناك أي طرح لـ 5 مليار جنيه لازم تدفع عشان الأرض تفضل ولا غيره؟ اجاب الشاذلي:” خالص تم النهاردة مناقشة الأفكار بشكل عام فيما يتعلق بحل الموضوع زي ما قلت لحضرتك الثلاث مسارات الأساسية سواء فيما يتعلق لو الزمالك عنده قدرات مالية يستطيع من خلالها يعني تنفيذ بقى دراسات فنية لتقييم مساحة الـ 50 ألف متر وموقعها وغيره “.
واردف:” وبالتالي نقدر نقول من خلالها إن الزمالك يقدر يدخل في جدولة لقيمة الأرض وشراءها بشكل كامل وتملكها بشكل كامل، أو إن إحنا نبدأ نتفق بعد كده في لجان فنية بين النادي وبين الهيئة على قيمة حق الانتفاع ونتوافق على قيمة معينة ويتعمل عقد طويل الأجل “.
و أشار الشاذلي:” أو إن الحل الآخر، والهيئة الحقيقة يعني أبدت مرونة كبيرة جداً فيه من وزارة الأوقاف إن إحنا نبدأ نشوف ندرس مشروعات استثمارية على مدار الأيام المقبلة يتم التوافق عليها هنا الهيئة هتاخد حقوقها من خلال هذه المشروعات الاستثمارية ونادي الزمالك أيضاً هيستفيد خاصة إن الحقيقة يمكن أنا عايز أقول لحضرتك إن الطرح بهذا الأمر في الاجتماع النهاردة إن الزمالك كمان مش بس بيعاني من مشكلة إن إحنا لازم نحل مشكلة الأرض لكن كمان الأوقاف ووزارة الشباب والرياضة النهاردة الحق اتكلموا في نقطة إن لازم الزمالك يعني نكون لنا دور كدولة في الوقوف إلى جانب نادي الزمالك والأزمة اللي بيعاني منها حالياً من خلال التوافق على حلول يستفيد منها نادي الزمالك “.
و أستطرد:” فلو هناك بعض المشروعات الاستثمارية اللي ممكن يتم تنفيذها بالتعاون بين نادي الزمالك وهيئة الأوقاف الحقيقة هيكون فيها يعني عوائد كبيرة جداً على نادي الزمالك مستقبلاً في حالة إن تم التوافق على هذا الحل فعلاً أو هذا المسار فعلاً والهيئة تكون حفظت وصانت الأرض وحقوق الانتفاع الحق بأرض”
.
واختتم مجيبا الى سؤال:” إحنا بنتكلم دلوقتي على فترة أعتقد دراسة حوالي في حدود شهر أو ربما أكثر من شهر؟: “في حدود الشهر بالضبط ولو الامور سارت بشكل جدي ممكن الزمالك يعلن قبل الشهر التوصل لحل”.
