علق حسام المندوه امين صندوق نادي الزمالك، على تجربة جون إدوارد المدير الرياضي السابق للفارس الأبيض بعد رحيله عن منصبه.
وقال المندوة، خلال تصريحات عبر راديو صوت الزمالك: “التجربة ليست تجربة جون إدوارد، دي تجربة مجلس إدارة نادي الزمالك”.
وتابع:” والكلام ده أنا قلته على فكرة في الاستوديو هنا: التجربة دي تتميز إنك بتبعد الكرة عن الدوشة اللي حواليك، أي حاجة تانية، وتستقل بنفسها ماليًا وإداريا “.
و أضاف المندوة:” وفي الأمور دي، لحد ما يتم إنشاء شركة الكورة اللي أنا قلتها، وبعد شوية هنتكلم فيها، فالتجربة هي تجربة هذا المجلس”.
وشدد:” وتجربة جديدة لمجلس إدارة كان عنده الجرأة والقدرة إنه يقود التجربة دي، خصوصًا إن المجلس في ظل الظروف اللي إحنا كان ممكن يقول معندناش التوقيت أننا نعمل التجربه دي”.
وواصل المندوة:” أنا عايز اللي يمشيني وخلاص، لأن معنديش الاستراتيجيات يشيلها، ومعندناش الاستدامة المالية اللي إحنا شايفينها، ولكن هي تجربة مهمة جدًا جدًا”.
و أردف:” هيمشي فرد وهيجي فرد وارد جدًا، ونقدم ليه الشكر على المجهود اللي قدمه في الفترة بتاعته، وبنبارك اه على الدوري المصري واللي يعتبر مكسب ليه، والموضوع بالنسبة لجون إدوارد مكسب ليه هو كمان، يعني هو في الآخر صنع اسمه أي حد بيعدي من جنب نادي الزمالك بيصنع اسمه”.
و أكمل المندوة:” كان ليه دور كبير جداً في الزمالك الموسم الماضي لكنه استفاد برضوا من جوده في الزمالك يبقى جون إدوارد حصل على بطولة الدوري العام اللي محصلشي عليه قبل كده لانه في الزمالك “.
وزاد:” وهي زي ما قولتلك تجربة مجلس إدارة نادي الزمالك الحالي تجربه كابتن حسين لبيب، ومجلس الإدارة محتاجة تنضج كل شوية، تجربة جديدة فتنضج كل شوية، إحنا حيث الأمر السنة الأولى كانت فيها بعض المشاكل، مثلًا التجربة محتاجة أموال بشكل معين ومش متوفرة للفترة الحالية، كل شوية نعمل ميك أب كده أو نعمل فاين تيونينج للتجربة، لحد ما تنضج التجربة، وده خطوة بالفعل”.
و أشار المندوة:” ونفتكر إن إحنا في فترة كان ياينك فيريرا غير موفق وتدخل المجلس وأصر على التغيير وجيه كابتن أحمد عبدالرؤوف ثم كابتن معتمد جمال، اللي حصل على الدوري، والتجربة مستمرة لنادي الزمالك، وعشان كده النهارده لما افكر ف، شخص عنده خبرة رائعة في هذا المجال اسمه حسام الزناتي”.
واستطرد: “امبارح شوفت لقاء لشاب كويس جدا اسمه ادهم جاسر وراجل اشتغل في اسبانيا وكان من ضمن الأسماء اللي اتشافت وكلها اسماء محترمة، لكن الزمالك بيدور على النموذج اللي يناسبه في الظروف الحالية، ام إعطاء الصلاحيات كاملة .. ثبت إنها مينفعش تحصل”.
و أختتم:” ممكن تدي صلاحيات لكن بإشراف مباشر منك ولازم المجلس يكون ليه تدخل واضح، مش عايز اتطرق ليها ومن أهمها ملف القضايا الدولية اللي حصلت على النادي ودي من السلبيات واللي مفتوح حاليا تحقيق فيها لماذا وصل الحال لما وصل إليه”.
