كشف حسام المندوة، أمين صندوق نادي الزمالك، عن اسماء أبرز المرشحين لتولي منصب المدير الرياضي للفارس الأبيض خلفا لجون إدوارد.
وقال المندوة، خلال تصريحات عبر برنامج “صوت الزمالك”:” تجربة المدير الرياضي مستمرة لنادي الزمالك، وعشان كده النهارده لما افكر ف، شخص عنده خبرة رائعة في هذا المجال اسمه حسام الزناتي”.
و أضاف: “امبارح شوفت لقاء لشاب كويس جدا اسمه ادهم جاسر وراجل اشتغل في اسبانيا وكان من ضمن الأسماء اللي اتشافت وكلها اسماء محترمة، لكن الزمالك بيدور على النموذج اللي يناسبه في الظروف الحالية، انما إعطاء الصلاحيات كاملة .. ثبت إنها مينفعش تحصل”.
وشدد المندوة:” ممكن تدي صلاحيات لكن بإشراف مباشر منك ولازم المجلس يكون ليه تدخل واضح”.
وأختتم: ” كان في اشكالات كتيرة ومش عايز اتطرق ليها ومن أهمها ملف القضايا الدولية اللي حصلت على النادي ودي من السلبيات واللي مفتوح حاليا تحقيق فيها لماذا وصل الحال لما وصل إليه”.
