كشف اللاعب أحمد حمدي،لاعب الزمالك السابق والاتحاد الحالي،عن كواليس إنضمامه للفارس الابيض وهل سيقدم شكوى للحصول على مستحقاته المالية .
وقال حمدي،خلال تصريحات تليفزيونية ببرنامج” الناظر مع شوبير”،عبر قناة “النهار”:” لما جالي عرض الزمالك كان أوفر كويس بالنسبة لي، خصوصًا إني كنت عايز أبقى قريب من المنتخب وأفضل على الساحة”.
وتابع:” المفاوضات بدأت بعد نجاح مجلس حسين لبيب، وحسين السيد كلمني في 2023 وقالي إن فيه مشروع جديد وإن الصورة الذهنية عن النادي هتتغير، وأنا اقتنعت بالمشروع’.
وواصل حمدي:” لسه ليا مستحقات مالية متأخرة، زي اللاعيبة الموجودة دلوقتي اللي لسه ماخدتش مستحقاتها”.
وردا على سؤال الإعلامي أحمد شوبير: يعني هل بتنوي تطالب بيها، وده حقك، وهل تنوي التقدم بشكوى؟ أجاب: “المفروض كان فيه قعدة مع جون إدوارد، لكنه مشي، وحاولت أتواصل مع حد بعد كده لكن مفيش استجابة”.
وعاد شوبير قائلا:” تمام، ده قرارك، علشان الناس ما تفهمش كلامنا غلط”.
