انتقد الإعلامي والنجم السابق أحمد حسام “ميدو”، الصورة الذهنية المصدرة من بعض الجماهير حول انتصارات الفريق الأول لكرة القدم بـنادي الزمالك تحت قيادة الكابتن معتمد جمال، مؤكداً أن إرجاع الفضل في الفوز إلى “التوفيق والدعاء” فقط يظلم الكفاءة الفنية للمدرب
وقال ميدو، خلال تصريحات تليفزيونية ببرنامج “أوضة اللبس”، عبر قناة” النهار”: “الزمالك كان داخل ماتش المحلة بيقول اكسب وخلاص قبل التوقف الدولي، وكان محظوظ ان المحله معندوش لعيبه في الهجوم، الزمالك كان بيلعب ببطئ ولولا تألق المهدي سليمان مكنش هيطلع كسبان”.
و أضاف:” الزملكاوية هيقولوا الظروف اللي احنا فيها تحتم اننا نكسب مهما كان الامر، وانا بقول في مشاكل فنيه كتيره جدا لازم كابتن معتمد يشتغل عليها قبل القمه”.
وشدد ميدو:” وفتره التوقف فترة سحريه للزمالك بسبب فترة الاعداد القليله وايقاف القيد لازم نرفع القبعة لمعتمد جمال ان الزمالك حصد 13 نقطة وبكررها 3 مرات لان شوفت صوره الجمهور عاملين صوره بتعكس حالة الفريق داخل مخ الجمهور لاننا بنكسب في اسوأ الظروف بمشئيه ربنا لان ربنا بيعملنا الاحسن، ولما شوفت الصوره كابتن معتمد ماشي بنور الله بادعي واقول يارب زعلت منها لان معتمد اكبر فنيا من الصوره”.
وواصل:” وكابتن معتمد جمال اكبر من كده والحاصل على الدوري الموسم الماضي وسط الظروف الصعبه مينفعش يبقى ده الايمدج بتاعه، هو مدرب محترم جدا ولازم الجمهور يعرف ان معتمد مش ألاوي، هو رجل مدير فني محترم ولولا وجوده مكنش الزمالك هيبقى كده وعنده امور فنيه اكبر بكتير من الصورة”.
و أكمل ميدو:” اعلم حسن النيه لكن مش ده مدرب الزمالك لوانا موجود في المدرج هقول ان ده البروف معتمد جمال، ولو كان مكانه مدرب اجنبي في الظروف دي ويوصل قبل التوقف يتعادل ماتش واحد ويعدي في افريقيا ويكسب 4 مباريات ملبسوش جلابيه وعمه مع احترامي للشيوخ واطلعوا فصورة بيكسب بالتوفيق بس، هو مش بيكسب بالتوفيق هو بيذاكر المنافس وبيدير اللعيبه كويس وهم بيحبوه”.
و اردف:” الصوره دي متتحطش في المدرج لا جمهور الزمالك عنده حس، لما يشوفها معتمد مش هيبقى مبسوط انه بيتقال بيكسب بالحظ لا معتمد مدرب كبير ورغم ان لعيبه كتير بعيد عن مستواهم حسام اشرف سيئ وشيكو بانزا وعدي الدباغ وعبدالله السعيد سيئين جدا، بقول لعبدالله هو لاعب كبير بس كان وحش نجم الماتش المهدي سليمان”.
وأختتم:” الزمالك اكبر المستفيدين بفترة التوقف لان معندوش لعيبه كتير في المنتخب، وعلشان كان محتاجه علشان يحضر لعيبته ال5 ماتشات ومباراتي افريقيا كانت فترة اعداد مصغره وجزء من تحضير للموسم”.
