شهدت فقرة توقعات مباراة القمة بين الزمالك والأهلي ببرنامج «اللعيب» على قناة MBC، الذي يقدمه مهيب عبد الهادي، جدلًا بين وائل القباني ومحمود أبو الدهب بشأن نتيجة اللقاء وما إذا كانت القمة تخضع لمقاييس ثابتة.
القباني: مباراة القمة ملهاش مقياس
وقال وائل القباني: «الماتش ده ملوش مقياس.. ممكن حال الزمالك يكون افضل أو الأهلي افضل لكن النتيجة ملهاش علاقه»، مضيفًا: «لكن خلي بالك اول خمس ماتشات في الدوري أداء الفريقين مكنش احسن حاجه».
وأعرب القباني عن أمله في مشاهدة أداء جيد من الفريقين، قائلًا: «أتمنى أني اشوف من الفريقين كورة يوم الأحد والمباراة ملهاش مقياس».
أبو الدهب يربط القمة بحسابات الموسم
ورد محمود أبو الدهب: «لا أنا مش عايز ارد .. بس زمان اه ممكن ملهاش مقياس .. لكن حالياً بتفرق». وعندما طلب منه مهيب عبد الهادي توضيح توقعاته، قال أبو الدهب: «ما أنا لو قولت الدوري راح الزمالك إزاي هتوقف».
وأوضح أبو الدهب أنه يشير إلى مباراة سيراميكا كليوباترا، قائلًا: «لا أنا بتكلم على مباراة سيراميكا كليوباترا واللي حصل فيها مش عايز نرجع نتكلم فيها وأننا اتظلمنا تحكيميا».
واعترض القباني على ربط الحديث عن الأخطاء التحكيمية بالخسارة، وقال: «اهو ده الكلام بقى اللي تفضل تقولوا لما تخسر .. لما الزمالك كان بيتكلم في أخطاء التحكيم كنت تقول لا لا لما تخسر تقول كده». ورد أبو الدهب: «آه لان الأهلي عمره ما استفاد من التحكيم».
