شن نجم الزمالك السابق “أحمد حسام ميدو” هجوماً عنيفاً على أحمد السيد مدافع الاهلي السابق عبر حسابه الشخصي على موقع التواصل الإجتماعي “تويتر”
و الجدير بالذكر أن أحمد السيد في تصريحاته تلفزيونية له بالامس أكد على أن الزمالك دخل معه في مفاوضات لضمه مرتين ، و لكنه رفض الإنضمام للقلعة البيضاء .
و قال ميدو عبر حسابه الشخصي على تويتر : كمية لاعيبة كورة سابقين طلعوا كذبوا شوية كذب الفترة اللي فاتت في التليفزيون كأن الناس جالها الزهايمر أو يوتيوب وجوجل اتحذفوا!!
و تابع : أرجو من السادة المقدمين لما يلاقوا حد بجح اوي وبيكذب عيني عينك انهم يحرجوه بكلامه القديم والفيديوهات!! مش عيب على فكرة العيب انك تبقى عارف انه كذاب والمشاهد عارف انه كذاب وتعدي الموضوع علشان الراجل جدع وجالك ضيف!! او فريق الإعداد مش عايز يحرجه!!
و أكمل : اللاعيبه قالت اي كلام وأنا بصحى اشوف وعادي مابفتحش بوقي لكن بصراحة انفجرت دلوقتي لما قريت ان احمد السيد قال ان الزمالك فاوضه مرتين وهو رفض
و أردف : اللاعيبه مابتفرقش ما بين ان وكيل عرض عليك وما بين ان النادي عرض عليك رسميا.. شغلة الوكيل انه يحاول ويحاول يمكن الموضوع يمشي ويبتدي يشبطك معاه لحد مايوديك المكان اللي هو عاوزه لو قدر!!
و أختم تغريداته قائلاً : من حق اي حد يقول رأيه في اي حد لكن الكذب العلني ده خاصة مع التكنولوجيا الحديثة غباء اجتماعي كبير جدا..وتاني بقول ان عيب في حق اي مقدم يبقا عارف ان اللي مستضيفه ليكذب ومعاه دلائل انه كذاب ومايقولوش حاجه!! برضوا ده غباء لإنك بتفقد قيمتك الحقيقية كمحاور!!
