وجه الإعلامي أحمد شوبير، رسالة مثيرة إلى إمام عاشور، لاعب خط وسط النادي الأهلي، في ظل استبعاده عن مباريات الفريق خلال الفترة الحالية.
وقال شوبير، خلال تصريحات تليفزيونية ببرنامج “الناظر”، عبر قناة “النهار”:” امام عاشور من الدايرة المقربه جدا جدا منه حصل حوار مطول النهارده تأكدت ان مكنش في عرض ب8 مليون دولار وده ليس طعنا في احد”
و أضاف: “موضوعي عن امام عاشور اللاعب حاسس انه في حملة عنيفه عليه ومداس عليه جامد،، اتقال ان امام من ساعة المنتخب عنده مشكله. في العضلة الضامه وبيلعب بحقن وده عمله تليف في العضله وعملت له مشكله ميقدرش يشوط او يعمل تحولات ولكني قولت للمقربين منه انه مكسل وانحلف لي انه بسبب الاصابه”.
و أكمل شوبير:” هقول لامام نصيحه من اب لانه زي مصطفى كان زمان عندنا كابتن شريف عبدالمنعم ومن امهر اللعيبه وكان طالع طالعه قويه مودي شويه لو موده حلو نفوز وحسب حالته لو فايق نفوز الماتش نازل مبوز فالدنيا تكون معه مش كويسه ولحد ما عمل حادثه وعاد ثم مرجعش واعتزل وكان افضل لاعب في مصر والكره مش ايتسمتله “.
و شدد:” الوقت في الكره يا امام قليل ومقتنع انك مصاب وسالت في الجهاز الطبي اتقال مصاب وجت له من عند ربنا الاستبعاد ده من مباريات الأهلي وعرفت انه احسن واحد في التدريب بالاهلي اخر يومين ولو مشي على التمرين متقلقش عليه والقعده دي لصالحه “.
وأختتم:” فانت يا امام استغل جماهيرية الاهلي وشعبيته لصالحك وخلي الكره رقم 1 في حياتك وكل الحاجات التانيه موجوده بعد ما تبطل كره، ودي نصيحه هو فعلا مصاب “.
