هاجم الإعلامي أحمد جمال مقدم برنامج زملكاوي على قناة نادي الزمالك الرسمية ، الإعلامي أحمد شوبير مقدم برامج على قناة أون تايم سبورت .
و قال أحمد جمال خلال مقدمة البرنامج : بمنتهى الأدب والهدوء بسألك يا كابتن شوبير ليه متكلمتش على أزمه مباراة الزمالك و الأهلي الأخيرو و إتجهت تجاه الأهلي ؟!
– ليه متكلمتش عن ملف حسام عاشور و ملف احمد فتحي وقولت ان اداره الاهلي أخطأت في إدارتها للملف ؟
– ليه متكلمتش في قصه كهربا وهروبه للزمالك وفضلت قافل بوقك ؟
– شويه تقول كارتيرون ماشي مش هيجدد لا مش هيستمر ، و لما جدد مطلعتش مقولتش ليه برافو لمجلس اداره الزمالك انه قدر يجدد للراجل مش انت بتقول انك اعلامي محايد ومش تبع حد ؟
و تابع أحمد جمال تصريحاته قائلاً : أنت مش فاضي غير عشان تتكلم على رجوع الدوري و بتهدد الانديه تقول ينزلوا درجه ثانيه !
و أضاف : هو ازاي انت كنت مسؤول في اتحاد الكره ونائب رئيس وتروح تزور النادى الاهلي بأي صفة و ليه مروحتش تزور الزمالك وقتها وتسانده قبل نهائي الكونفدرالية ؟
و أكمل تصريحاته قائلاً : في قضيه حمدي النقاز روحت جبت حمدي النقاز و أبو حمدي و أمه و خاله و عمه ، و مجبتش أي مسؤول من الزمالك يرد !!
و إختتم : و من هنا و من قناه نادي الزمالك بنطالب بوقف كل المشاحنات اللي بتحصل ضد الزمالك والجمهور مستاء جداً ، و بنطالبك يا كابتن شوبير تطلع ترد على التصريحات اللي قالها المستشار مرتضى منصور في الفلوس اللي حصلت عليها .
