وجهة المستشار مرتضى منصور رئيس نادي الزمالك رسالة إلي الإعلامي أحمد شوبير قائلا:” انت خدت انت وزجتك 400الف من تركي آل شيخ، وواخد 3 ساعات لبناتك”
وقال “مرتضي” :” انت خد 6 مليون جنية في صفقة انتقال صلاح محسن من إنبي إلي الأهلي، وانت ازاى شغال في إعلام المصريين لغاية دلوقتي”
واضاف “مرتضي” خلال مداخلتة على قناة الزمالك: ” متكلمنيش انا في الاخلاق، ده انا بسأل الخطيب بمنتهي الإحترام الشنطة اللى نزلت بيها من عند المستشار تركي آل شيخ كان فيها ايه ، وطبعا انا عارف فيها اية”
وتابع:” بحذر الدماطي والجارحي ولادكم حاطين وديعة في البنوك بتجيب 300 الف جنية في الشهر بيدفعوها علشان العيال اللى بشتم الزمالك.. لموا عيالكم ”
و وصف رئيس نادي الزمالك البيان الذي صدر من مجلس إدارة النادي الأهلي ضد قناة الزمالك “بالقرف” ، موجها كلامة إلي الإعلامي أحمد شوبير بخصوص سفريتة إلي روسيا اثناء كأس العالم وبعض سفرياته إلي المملكة العربية السعودية لزيارة المستشار تركي آل شيخ.
و واصل “مرتضى” :” فاكر ياشوبير حنان إبراهيم اللل انت جوزتها للسواق بتاعك وعملتلك محضر في قسم العجوزة بكلام قذر مينفعش يطلع من واحد زيك، وبعدها جبتها مودرن واعتذرت .
فاكر المستشار بتاع جورنال الفجر اللى عملك وصل امانة اللى المدام بتاعتك المحترمة “مها” مضت مكان حنان ، و طلعت على الهواء وقلت أدي حنان اهي و كان عندي ليها وصلات أمانة ”
واضاف :” ابعد يا شوبير عن نادي الزمالك أبعد أنت فضايحك كتير ولو انت راجل اطلع كذبني وقول ده محصلش، وحنان دى كانت معاك في الحملة الإنتخابية في طنطا ، واوعي تفتكر اني بخاف ولما بتكلم بتكلم عن وقائع. و اتلم عن نادي الزمالك”
و وجهة رئيس نادي الزمالك رسالة إلي جمهور الأهلي:” يرضيكم انه ابنه يلعب و ياخد 5مليون جنية في السنه”، وكل اللي بيعملوا شوبير ده عشان بيبو ياخد بطولة
ووجهة رئيس نادي الزمالك رسالة إلي اللجنة الخماسية قائلا:” احنا مش خرفان و أصغر مركز شباب أي حد فيه بيفهم كورة عنك.. وانت عاوز ترجع الدوري علشان ترضي بيبو.. وده كلام محدش هيمشية علشان احنا عناتر”
