ميدو يعلق على ازمه حسام عاشور اتمناه في الزمالك .. ورد مفاجئ من تركي ال الشيخ عليه – صورة
انتقد احمد حسام ميدو لاعب نادي الزمالك السابق الازمه الاخيرة التي حدثت بين المستشار تركي ال الشيخ رئيس الاهلي الشرفي سابقا وإدارة النادي الاهلي برئاسه محمود الخطيب.
وقال احمد حسام ميدو عبر حسابه الشخصي عبر تويتر : ” مع توقف كرة القدم في العالم كله توقفت المشاكل الا عندنا الدنيا مولعه على طول!! كله ضرب “.
وتابع , ” المشاكل اللي حصلت بديهية الأهلي متعود ان اي حد يصرف وما يتكلمش وطبيعة المستشار تركي ال الشيخ مش كده الراجل شخصية قيادية وعايز الأهلي يبرز دوره في اي حاجه بيعملها للنادي وده حقه”.
وواصل ميدو ” اي حاجه عايمة ومش مبنية على الاتفاق من الأول في الآخر بتبوظ وبيبقا شكلها وحش وبتعمل مشاكل..دي أساس المشكلة..الأهلي مشي بمبدأ تعالى بس اصرف وهنعملك اللي أنت عاوزه تعالى بس يا راجل الأهلي بيتك وبعد كده هوب لا اوعى تتكلم احنا الأهلي ماعندناش الكلام ده!!”.
وأكمل ” الأهلاوية المعتدلين عارفين ان الكلام اللي بقوله صح ووالله لو كان نفس الكلام على الزمالك كنت هقوله..اخيرا وده أكيد لو محمود طاهر كان رئيس الأهلي ماكانش اي حاجه من الكلام ده حصلت وده مايقللش من حبي للكابتن محمود الخطيب واعتزازي الكبير به كلاعب وكشخصية محترمة جدا..”.
واختتم حديثه ” اكتر واحد خسران في القصة دي حسام عاشور لا كمل لعب ولا كسب الأهلي ولا اتعمل ماتش اعتزال!! انا لو مكان حسام عاشور وقادر العب اكمل لعب سنه كمان وفي الزمالك طارق حامد بيتوقف كل كام ماتش احسن بديل له هو حسام عاشور”.
ليرد عليه المستشار تركي ال الشيخ مالك نادي الميريا الاسباني ” صباح الفل حبيبي ميدو انتى عارفني … وحسام متقلقش عليه ”
ورد ميدو ” أنت عمرك ماتخليت عن حد في صفك ودي حقيقة كل من تعامل معك عارفها كويس يا بختك يا عم حسام “.
ليختتم تركي ال الشيخ حديثه ” حبيبي وده الواجب “.
