وليد عبد اللطيف: “مصطفي محمد مهاجم مصر الأول.. واللي بيتكلم عليه معندوش فكرة” – فيديو
أكد وليد صلاح عبد اللطيف، نجم الزمالك والمنتخب السابق، أن مصطفى محمد مهاجم نادى الزمالك، هوأفضل مهاجم في مصر حاليا بكل المقاييس.
وقال وليد صلاح عبداللطيف خلال حواره في برنامج “لقاء خاص جدا” المذاع على أون تايم سبورت، أن مصطفى محمد هو مهاجم مصر والناس اللى بتتكلم معندهاش فكرة ومالهاش دعوة بالزمالك ولو كان في الأهلى كنت قلت كدة، لاعب صغير في السن، وبيطور من نفسه وبدأ يسدد على المرمى ودى ميزة جديدة ولازم يحترف في هذا الوقت”.
وأضاف نجم الزمالك السابق: “إن مروان محسن كان لاعب كويس جدا في الإسماعيلى، وخد فرص كتير في الأهلى والمنتخب، بس أنا شايف أنه مينفعش يكون مهاجم النادى الأهلى ولا مصر”.
وأوضح وليد صلاح عبد اللطيف: “باسم مرسى وصل لأعلى فورمة، ولكن لم يحافظ على مستواه واتجه للسوشيال ميديا وأصبح لاعب عادى لا يصلح للأندية الكبرى، وهو ما حدث مع عمرو جمال اللى خد وقت كبير جدا لمحاولة العودة لمستواه بعد الرباط الصليبى ولازم يجتهد أكتر لأن عمرو لسه صغير في السن”.
