كشف المستشار مرتضى منصور رئيس نادي الزمالك انه بداية من شهر اغسطس القادم سيتم تطبيق الأسعار الجديدة للعضويات داخل النادي لمن يرغب في الإشتراك.
وعن الجمعية العمومية للزمالك قال “مرتضى” :” اللى حصل على مدار اليومين اللي فاتوا ده استفتاء على شعبية مرتضى منصور داخل نادى الزمالك”.
واضاف خلال تصريحات تليفزيونية لقناة الزمالك:” احنا اول نادى يعمل جمعية عمومية في زمن الكورونا، واول نادى خد قرار بغلق النادى قبل قرار الدولة ومكنتش عندنا مشاكل في ايام الجمعية العمومية”.
وتابع:” بناشد رئيس الوزراء ووزير الرياضة وبقولهم انتوا عاملين مجهود جبار لكن لو حد من اللاعبين في الدوري العام او الدرجة الثانية او التالتة حصلة حاجة مع عودة المباريات هتتحملوا المسؤلية الناس هنا مش بترحم”.
وواصل:” عودة الدوري ملوش علاقة بهيبة الدولة.. هيبة الدولة الحقيقة اللى حصل في الجمعية العمومية للزمالك.. لكن الضغط اللى بيحصل علشان الاهلي والخطيب ياخد بطولة مفيش حاجة اسمها كده في الرياضة”.
وعن موقف الزمالك من المشاركة في الدوري العام قال “مرتضى” :” المدير الفني قال رأيه وعلى الرغم من انه مش موافق على عودة البطولة لكن الراجل قال انا هلعب.. وانا رأي اننا نجهز لموسم جديد خاصة ان الدوري ده هياثر بالسلب على المواسم الجاية”.
