وجه المستشار مرتضى منصور رئيس نادي الزمالك الشكر لأعضاء الجمعية العمومية للنادي على إلتزامهم بالحضور في اليوم الاول للجمعية العمومية للنادي.
وقال “مرتضى”:” اية الرقي والوعى اللى بيحصل ده.. الناس كلها حاضرة من اول اليوم على الرغم من النهاردة اول يوم للجمعية، ويوم مش اجازة، ويوم حر، وعلى الرغم من كده الناس كلها جت”.
واضاف “مرتضى” خلال تصريحاتة تليفزيونية لقناة الزمالك:” اللى راهنوا على ان مفيش حد هيجي هما فين.. واللى قالوا عاوزين نعمل انتخابات معنديش مانع نعملها بكرة، وانت عندك منشاة إجتماعية ورياضية”.
وتابع:” عندنا صالة جمباز عالمية وصالة جودو وملاعب الناشئين وصالة تنس الطاولة، وعندنا 18 حمام سباحة، وفندق إقامة للاعبين، وعندنا اكبر مسجد في مصر كلها، وملاعب التنس”
واكد:” نجحت انى اتعادل مع الأهلي في البطولات وفي عهد محمود الخطيب انا واخد 5 بطولات للزمالك والخطيب واخد 3 بطولات”
وعن موقف مشاركة الفريق في الدوري العام الممتاز اكد انه سيعرض راي المدير الفني للفريق على اعضاء الجمعية العمومية لإتخاذ القرار النهائي من مشاركة الفريق في المباريات المتبقية من البطولة.
