مجدي عبدالغني يفتح النار على محترف الأهلي .. مش عارف مين اللي اتعاقد معاه – فيديو

أكد مجدى عبد الغنى عضو اتحاد كرة القدم السابق، أن على إدارة النادي الأهلي أن تستغنى عن لاعب الفريق الأول المحترف “جيرالدو” مؤكدًا أن اللاعب لم يقدم أي شيء مع الفريق من إنضمامه.

وقال “عبد الغني” : ” انا مش مقتنع بجيرالدو ومش عارف مين اتعاقد معاه، وده لازم يتعرض للبيع لان ده معملش اى حاجة و مشفنهوش من أول الموسم”

وأضاف خلال استضافته في برنامج “البريمو” على قناة “TEN” : ” ده مجبش غير جون واحد فى حياته تقريبا مع الأهلي، فى الدور الأول وكان وشه وحش، جبلنا كورونا، وبعدين صابرين عليه وبيدولوه كتير وده فى الفترة دى مش كويس”

وتابع : ” أنا أنا ادى الفرص دى لأحمد الشيخ مثلا، لكن هما للاسف سحبوا منه الثقة، وانا لما مكنش عندى ثقة كنت بعك عك السنين، إنما الاول كنت بخاف الكرة تقطع مني”.

وواصل : ” النادي الأهلي محقق المكسب، لكن انا مش حاسس بمروان محسن او مهاجم في الدوري المصري”