طلب أيمن يونس “نجم الزمالك السابق” من مسئولي القلعة البيضاء البحث عن مدرب أجنبي جديد ، لم يسبق له تدريب الفريق من قبل .
و قال أيمن يونس في تصريحات إذاعية : مش عارف ليه الزمالك بيدور على مدير فني درب الفريق قبل كده ، ليه ماندورش على مدير فني جديد .
و تابع : الزمالك بيدور في الدفاتر القديمة ، مدرب هرب و مدرب مشي عشان الفلوس و مدرب أنت طردته و قولتله أمشي ، ليه بنتفاوض معاهم تاني و عايزين نرجعهم .
و واصل : لازم مسئولي الزمالك يدوروا على مدرب جديد ، و يبني فريق و يبقى مشروع للنادي ، مش لازم ندور في الدفاتر القديمة مع مدربين دربوا الفريق قبل كده .
و أضاف : انا ضد عودة المدربين مرة أخرى ، جروس كان لازم يعتذر ، فيريرا إزاي هنستأمنه و هو ماشي بجرح من عندنا ، و نبقى خايفين أنه يهرب ، ده كده إجنا محتاجين حارس شخصي معاه 24 ساعة .
و إختتم تصريحاته قائلاً : إحنا في فترة صعبة دلوقتي ، و داخلين على فترة أصعب ، و بقول للمسئولين في الزمالك دوروا على مدرب جديد ، و بلاش مدرب درب الفريق قبل كده .
و في السياق ذاته ، علم موقع “زمالك نيوز” من مصدر مطلع داخل نادي الزمالك ان إدارة النادى أخطرت البرتغالي فيريرا بتجهيز اوراق حضورة إلي القاهرة خلال الساعات القادمة تمهيدا لتوليه القيادة الفنية للفريق.
وقال مصدر مطلع داخل الزمالك في تصريحات خاصة لـ Zamalek.news : اخطرنا فيريرا بتجهيز أوراق حضوره إلى القاهرة وحجز تذاكر الطيران الخاصة به وانتظار معرفة عدد أفراد الجهاز المعاون الذي سيأتي معه وإرسال أسمائهم من أجل حجز تذاكر الطيران الخاصة بهم.
