مرتضى منصور لـ باتشيكو: نأمل في حصد بطول أفريقيا.. وهذا هو الفارق بين زمالك 2015 و 2020
عقد المستشار مرتضى منصور رئيس نادى الزمالك جلسة هامة مع البرتغالي جايمي باتشيكو المدير الفني الجديد للفريق، وذلك قبل توقيع المدرب البرتغالي عقود تدريبية مع الفارس الأبيض.
وقع البرتغالي جايمي باتشيكو المدير الفني الجديد للفريق الأول لكرة القدم بنادي الزمالك على عقد توليه مسئولية الفريق لمدة موسم قابل للتجديد.
وقال “مرتضى” : “عودة المدرب اللى احنا افتقدناه وكان وشه حلو على الزمالك، واحنا بنفتح صفحة جديدة، واحنا مش جابين مدرب طوارئ، بالعكش احنا كان معروض علينا أكتر من 25 مدير فني”
ووجه رئيس نادى الزمالك حديثة لباتشيكو قائلا:” اخترناك علشان انت مدرب كويس، وانا مسامحك في كل حاجة، ماعدا علبة الحلاوة اللى انت خدتها ومشيت، وبمناسبة انك موجود جبت حلويات جديدة انت والطقم اللى موجود”
وأضاف في الفيديو الذي نشرته قناة الزمالك :” انت متغيرتش انت زى ما انت، واحنا مكناش في حالة طوارئ انا كنت بقول ناخد راحتنا، واختيار باتشيكو كان بإجماع اللجنة”
وواصل :” اهلا بك في مصر وربنا يوفقك وعندك كوكبة من اللاعبين مكنتش موجودة في 2014 ولدينا 4 حراس في المنتخب وطارق حامد ومحمود علاء وعندنا باك يمين منتخب تونس حمزة المثلوثي وأحمد فتوح راجع واوباما موجود عنده عزبه وكان ناشئ وهفضل أقر عليك يا أوباما، وعندك مصطفى محمد جايله عروض من كل مكان”
وأتم :”عندك لاعبين كلهم منتخبات وكمان7 ناشئين اخدوا الفرصةوكسروا الدنيا وكلهم ف المنتخبات والنهارده منهم 2 راحوا منتخب الشباب، احنا موفرين كل حاجه والنادي اتغير وغرف اللبس وجاي واحنا واخدين بطولات، كلنا مجلس إدارة والجماهير عندنا امل ناخد بطولة افريقيا، وكل الامكانيات متوفرة لك ومحدش هيدخل في شغلك واول مرة محدش ادخل ومفيش مدرب أدخلت في شغله”
