هاجم المستشار مرتضى منصور رئيس نادى الزمالك مسؤولي نادي التعاون السعودي وذلك بعد إعلان التعاقد مع المدير الفنى السابق للزمالك الفرنسي باتريس كارتيرون.
وأعلنت إدارة نادي التعاون السعودى التعاقد مع المدير الفني السابق لنادى الزمالك “الهارب” باتريس كارتيرون لمدة موسمين.
وأشارت إدارة النادى أن التعاقد مع الفرنسي سيكون لمدة موسمين على أن يتم توقيع التعاقد فى قطر بعد وصول المدرب.
وقال “مرتضى” : “علاقتنا بالأندية السعودية متميزة وفيه مواقف كتير، على مستوى ممتاز، لكن تدخل شغل القرصنة ده ليه، لان دة راجل عقدة سارى وهو اللى ألح انه يجدد عقدة واللى المبلغ الى طلبه دفعناله”
وأشار:” مينفعش يكون عندنا بطولة مهمة ويجى يقول انا عاوز أمشي، وهو اللى بعت رسالة لأمير الساعة 3 الفجر قالة تعالى عايزك انا عايز امشى”
وأضاف في تصريحات لبرنامج “على مسئوليتى” على قناة “صدى البلد” مع الإعلامي “أحمد موسى” ” كنت اتوقع ان فيه مسؤلين سعودين يقولوا لرئيس النادى السعودى عيب اللى بيحصل ده اننا نخسر 50 مليون مصرى، والعلاقات بين الدول المحترمة لا تدار بهذا الشكل، واحنا علاقتنا بالسعودية ممتازة جدا”
وتابع:” رئيس نادى التعاون ده قبل كده طلب مصطفى فتحي احرف لاعبي فى الزمالك وطلعناه إعارة ليهم، وكنت اتمنى من رئيس النادى يوافق انه يسيب كارتيرون شهر نخلص بطولة أفريقيا”
وواصل:” اللى حصل ده معناه ان المقصود انك تخرب نادى الزمالك وده مينفعش، وانا عملت اكبر مبنى اجتماعي باسم مسؤول سعودي باسم تركي آل شيخ، وانا بسأل لو رفعت سماعة التليفون وطلبت منى التعاقد مع كارتيرون كنت هقلة موافق بس يخلص بطولة أفريقيا”
وأكمل:” كارتيرون وضح لجميع انه مدرب خاين وكداب، واللى وصل كدة لكارتيرون، ونادى الزمالك كبير مش مركز شباب، ولو راح قعد مثلا قعد اسبوع والتعاقد ماشى لكن ده تعاقد الصبح”
وأضاف:” الزمالك نادى كبير مش هيقف على نادي، لكن الظروف اللى احنا فيها صعبة فاضل شهر على البطولة الإفريقية، مينفعش تيجى تخطف المدرب مرة واحدة كده”
وفجر “مرتضى” مفاجأة بخصوص الشرط الجزائي في عقد كارتيرون قائلا :” كارتيرون مدفعش الشرط الجزائي، إلى الآن ومكنش ينفع اكتفه، وده هروب وخيانة من كارتيرون، وكانت كل طلباته كانت مجابة”
وتساءل رئيس نادى الزمالك : ” ينفع مدرب كداب زى ده يشتغل فى بلد اللى طلع منها الإسلام والبلد اللى فيها الحرمين، ودور على قطر وتميم وانا جالى رسالة من قطر
وعن إمكانية عودة فييرا للزمالك أوضح” وارد رجوعه مرة اخرى معندناش مشكلة وهو قعد قبل كده مع أحمد وأمير وكان عندة مشكلة صحية لكن هنشوف امكانية التعاقد معه واللجنة المشكلة مش بتنام”
