نجح نادي الزمالك في تحقيق فوز هام على نظيره الإسماعيلي بثلاثة أهداف مقابل هدف وحيد في المباراة التى جمعت الفريقين على أرضية استاد القاهرة الدولي، ضمن منافسات الجولة الـ34 والأخيرة من عمر بطولة الدوري العام الممتاز لكرة القدم.
ومن جانبه قال البرازيلي ريكاردو المدير الفني للإسماعيلي عقب اللقاء :”عملنا ماتش عادي بالنسبة للفريق عندنا كان عندنا مشاكل قبل الماتش، اللاعيبة حاولت تعمل أقصى حاجة عندها، الزمالك سيطر في الشوط الثاني سيطرة كاملة، الزمالك حاليا في مستوى عالي جدا، واسم كبير”.
وأشار:” ده أقصى مجهود عندنا في الفترة الحالية، عمري ما كنت خايف على نادي الإسماعيلي لانه اسم كبير، والموسم القادم هنلعب على البطولة وهتكون افضل من كده”.
وأضاف “ريكاردو”:”حاليا بتحضر للموسم الجديد، من بكره عندنا شغل كتير وهنبدا نتكلم مع اللاعيبة في الخطة بتاعتنا وفي مجموعة من اللاعبين هتشتغل معانا في الموسم الجديد، عندنا ماتش مهم في البطولة العربية، هتوري الناس مستوى افضل في البطولة العربية”.
وتابع:” غدا سنحضر المراكز اللي هنكون محتاجنها وهنحدد اسماء الراحلين، وبندور على اللاعب اللي ممكن يعمل الفرق معانا في الموسم الجديد، انا هبتدي احدد مين باقي ومين هيرحل، كل التغييرات دي هتفرق جدا مع الفرقة”.
وبهذا الفوز ضمن الزمالك حسم المركز الثاني في جدول ترتيب الدوري العام، برصيد 71 نقطة، بعدما خاض 34 مباراة حقق خلالهم الفوز فى 21 مباراة وتعادل في 8 مواجهات وهزم فى 5 مباريات، فيما سجل 50هدفًا واستقبل 27 هدفًا.
