حرص الفنان صلاح عبدالله على دعم لاعبي الزمالك قبل مواجهة الرجاء المغربي اليوم الأحد في ذهاب الدور قبل النهائي من بطولة دوري أبطال أفريقيا، مشيرًا إلي أن نتيجة مباراة الوداد والأهلي سيصعب من لقاء اليوم
وقال “صلاح” :” اللي صعب مباراة الرجاء علينا هو نتيجة مباراة الوداد والاهلي، لان الرجاء في حالة فنية افضل من الوداد وبامانه الاهلي من فترة مش كويس ولاول مرة من فترة طويلة اشوفه بيأدي بشكل جيد”.
وأشار :”جميع لاعبي الزمالك لازم يكون هدفهم الفوز بالبطولة وعندي احساس ان الرمالك هيفوز بكره واللي هيتألق بن شرقي وزيزو ونجم نجوم الفريق مصطفى محمد”.
وأضاف “عبدالله” عبر قناة “الزمالك” :” عندي عتاب على اوباما دانت حريف اووي يا اوباما بيصعب عليه لما يكون لاعب حريف ومستواه مش كويس نفسنا اللعيب يكون في اعلى مستواه، وساسي لاعب حريف اوي ومن فترة مش في حالته ونتمنى يرجع وربنا يشفيه”.
ووجه “عبدالله” عدة رسائل للاعبي الزمالك قائلا :” ابوجبل ياجبل مايهزك ياريح، وحازم امام يا سلام يا حزوما بقى بانطلاقاتك ورفعاتك ومصطفى محمد والونش وزيزو في منطقة الجزاء، ومصطفى محمد ربنا يحفظه،وعبدالله جمعة انت واد اد كده شويه وكل ماتش بيرجع لمستواه”
وتابع:” طارق حامد هو طارق جامد من اخلص وارجل اللاعبين في مصر، وربنا يكرم ويرجع مصطفى فتحي لمستواه واوناجمساعات بيمشي على سطو ويسيب سطر ولما يمشي على السطر بيقي تمام.، وكاسونجو بيربك الدفاع وجوده مهم ومحتاج يلعب على المرمى”
وأتم :”باتشيكو بيضحكني وبيعملي حالة بهجة مش عارف ليه ان عندي قناعة انه مدرب كويس اووي مستني اشوفه، وقلبي بيقولي ان النهائي مصري وابيض جدًا بإذن الله ولوحصل وارقص في القناة”
