اخبار الزمالك

مرتضى منصور يفتح النار على أعضاء اللجنة الأولمبية .. ويؤكد “رئيس الوزراء ملوش علاقة بقرار عزلي”

فتح المستشار مرتضى منصور النار على أعضاء اللجنة الأولمبية وذلك على خلفية القرار الأخير الصادر من اللجنة والذى يقضى إيقافه لمدة 4 سنوات مع عزلة من رئاسة نادي الزمالك، مشيرًا إلى الدكتور مصطفى مدبولى رئيس مجلس الوزراء ليس له علاقة بصدور القرار.

وقال “مرتضى” :” بقول لهشام حطب ياغبي الطبيعي لما تطلع قرار تقولى ايه حيثيات القرار ده وانت طلعتة ليه وفى الاخر تقولى اطعن على القرار، وانتوا تميم بتاع قطر بيحركم انت وحسن مصطفى، وحضرتك منتظر ايه شوف القانون بيقول ايه وطبق القانون”

وأشار :” خلافى ليس مع الأهلي بل مع الأسطورة محمود الخطيب، وانا كسبان قضية قبل كده على البنك التجاري الدولي اللى شغل فيه عمرو الجنايني ووفرت للنادي 290 مليون جنيه للزمالك”.

وأضاف “مرتضى” في تصريحات لقناة “الزمالك” : “محدش يدخل رئيس الوزراء فى جملة مفيدة ده راجل نضيف وعاقل، ولغاية دلوقتى والده ساكن جني، وكان لاعب في نادي الزمالك وهو راجل محترم، ومحدش يكلمنى على الدكتور مصطفى مدبولي”.

وتابع:” بقول لهشام حطب لو انت راجل أوقف نادي الزمالك، نادي الزمالك اقدم منكم كلكم، وبنقول لوزير الشباب والرياضة نحبك ونقدرك وانت مشتوم في الجواب اللى اتبعت من هشام حطب لحسن مصطفى، ولو الوزير مختش قرار هنرفع قضية ضد معالى الوزير للمرة الثانية طبقًا لقرار المحكمة في المرة الأولي”.

تعليقات زوار الموقع

اخبار ذات صلة