رسالة خاصة من أحمد زيزو للجماهير قبل نهائي القرن بين الزمالك والأهلي – فيديو
حرص أحمد سيد “زيزو” نجم المنتخب الوطني نادي الزمالك على توجيه رسالة هامة لجمهور الزمالك والأهلي قبل نهائي أبطال أفريقيا، مؤكدًا على ضرورة نبذ التعصب بين الجماهير قبل المباراة الهامة.
ويستعد الفريق الأول لكرة القدم بنادي الزمالك، لخوض مباراة القرن أمام الأهلي، يوم 27 نوفمبر الجاري، على استاد القاهرة الدولي، في نهائي بطولة دوري أبطال إفريقيا.
وقال “زيزو” :” احنا دلوقتي في المنتخب ولاعيبة الزمالك والأهلي حبايب وانا اقرب الناس ليا في المنتخب هو قفشة وهاني، والناس لازم يكون عندها روح رياضية وتمنع التعصب”.
وأشار:”انا موجود على طول مع قفشة ومصطفى محمد موجود مع الشناوي على طول، واحنا اخوات واصحاب، وفى الاخر دى مباراة 90 دقيقة، وكل فريق هيحاول يسعد الجمهور بتاعة”
وعن مباراة المنتخب أمام توجو قال “زيزو” : ” عندنا جيل محترم ومحترفين مشرفينا برة ولاعيبه وصلت نهائي أفريقيا، وعندنا دوري قوى، عملنا اللى علينا النهاردة والاهم الـ3 نقاط وان شاء الله نفوز هناك”.
وعند سر اختفاء التجانس عن أداء المنتخب أوضح “زيزو” : “كل واحد عنده طريقة لعب مختلفة بنحاول نستوعب اللى بيقوله الكابتن حسام و قدرنا نحقق من اللى هو طالبة بالمكسب النهاردة”.
وأضاف في تصريحات لبرنامج “ملعب أون” على قناة “أون تايم سبورت” :” الواحد ماشى بشكل كويس مع نادي الزمالك وبجتهد وبعمل اللى عليا وإن شاء الله اللى جاى أحسن”
شاهد:
