نجح نادي الزمالك في تحقيق فوز هام على نظيره المقاولون العرب بثنائية نظيفة فى افتتاح مشواره فى بطولة الدوري العام للموسم الجديد، بثنائية نظيفة في المباراة التى جمعت الفريقين على أرضية استاد الكلية الحربية.
ومن جانبه قال البرتغالي جايمي باتشيكو المدير الفني لنادي الزمالك : “مباراة زي ما توقعنا صعبة جدا كنا عارفين هنلاعب فريق قوي لم نبدأ بصورة جيدة ولكن بعد أول ٥ دقايق قدرنا نمسك كورة وفي الشوط التاني تراجعنا كتير للخلف والمقاولون قدر يستغل ده”.
وأشار :” اهم حاجة اننا نبدأ بفوز في الدوري والفرق اللي عايزة تكسب بطولات عليها اللعب على الفوز الفرق عندها تساوي كبير في المستوى الفني وده بيخلي الدوري قوي وكل الفرق عندها طموح المكسب وخارج مبسوط وعندي ثقة في قدرات لاعيبتي”.
وأضاف “باتشيكو” في المؤتمر الصحفي بعد اللقاء :” منطقي اني فعلا كنت أهاجم وقت اندفاع المقاولون لكن المنافس عمل تغييرات هجومية ولاعبينه نازلة فريش ولازم في بعض الأوقات احترم المنافس ونزلت الونش في الاخر عشان كانوا بيعملوا كرات طويلة”.
وتابع :” عدم مشاركة بن شرقي عدم وصوله لمستوى بدني يؤهل لذلك بسبب عدم مشاركته في التدريبات الايام الماضية ولكن من حسن الحظ اني عندي لاعيبة كتير وكله جاهز ”
وواصل :” كل اللاعيبة محتاج لها لان الدوري طويل ، وأوباما تدرب يوم واحد بس ولسة محتاج شغل بدني عشان يعود للمباريات حسب ما يقدمه اللاعب من مستوى بدني هنحدد عودته للمشاركة في المباريات”
وأتم :” عندي لاعيبة تقدر تلعب في صانع الألعاب زي أوباما وشيكابالا وبن شرقي وكمان أحداد يقدر يقوم بالدور ده وكمان مصطفى فتحي يقدر يلعبها”
