كشف إسماعيل يوسف عضو مجلس إدارة نادي الزمالك السابق، عن سبب عدم عودة رزاق سيسيه للزمالك مع بداية الموسم الجديد، مشيرًا إلى أن السبب كان فني في الأصل.
وقال “إسماعيل” :” كان ليا دور فني في فترة تواجد أمير مرتضى كمشرف على الكرة لانه شاطر جدا واجتهد وكنا بنكمل بعض في الجزء الفني وتوفير طلبات المدير الفني”
وأشار :” الزمالك ليه مواصفات معينة في الصفقات وده جربناه في صفقة ساسي وصفقة بن شرقي ولما يطلب مننا باك رايت كنت بتفرج ليه على 10 لاعبين مثلا”
وأضاف خلال استضافته في برنامج ” ملعب أون” على قناة “أون تايم سبورت” :” مرتضى مش ديكتاتور في التعامل وبيسمع مننا في السوبر الافريقي كان رافض السفر وسمع لرأي الاغلبية وسافرنا وحققنا البطولة”
وتابع :”شعور جوايا بفكر في الفريق دايما حتى الصفقات كنا مرتبنها ومحكمين بفلوس وكنا بندور على لاعب مميز جدًا وبنتفرج عليهم”
وتابع :” سبب عدم رجوع سيسيه الخريطة بتاعت الملعب، الأطراف مليانه فيها أوناجم وشيكا وبن شرقي وبامبو ومصطفى فتحي سيسيه ظهر بشكل مميز ولو رجع كان هيكون على حساب حد من الأجانب”
وأتم : حميد أحداد اللي تعاقدنا معاه بمبلغ كبير والعرض اللي جاله قليل واحداد مش طرف ده رقم 9 ومصطفى محمد بيلعب اساسي”
