ايمن يونس يفتح النار على كارهين الزمالك .. الفريق لن ينهار وساسي وبن شرقي واحداد واوناجم اخبروني بذلك الامر

كشف المدير التنفيذي للجنه الكرة بنادي الزمالك كابتن ” ايمن يونس ” حقيقه الاعتداء عليه من قبل جماهير نادي الزمالك او مجهولين بعد صلاه الجمعه اليوم وتحطيم سيارته.

وقال ايمن يونس عبر قناه الزمالك : الموضوع تافه ومفيش حاجه والمهم عندنا فريق كرة القدم ده الأهم نتكلم فيه وغير معقول الكلام اللي بيتردد اننا بنحاول نتخلص من نجومنا معقوله حد يفكر اننا نتخلص من ساسي وبن شرقي وزيزو اكيد مش هنعمل كده.

وتابع ايمن يونس : كل ادارة لها اساليب في الادارة المالية وبنطمن جماهير الزمالك كله موجود وعندنا موارد للحفاظ على الفريق وندعم باتشيكو باي حاجة محتاجها

ورفض ايمن يونس التعليق على البيان الصادر من اللجنه المؤقته لادارة النادي حيث قال : البيان اللي خرج امبارح بعيد عن فرقة كرة القدم لان لها ميزانية خاصة بها واحنا فاصلين الفرقة تماما.

وواصل : حتى الشركة اللي هي ظهر الزمالك الناس مبتقصرش وبيدونا حقوقنا وهنطور علاقتنا بيهم وبنطمن الناس ولاعيبنا وجماهيرنا.

وأكمل : الدوري بكره بنتمنى التوفيق للفريق الجو العام في الفريق مريح جدا واللعيبه بتتمرن بنفس وحاسين ان الاجواء مختلفة والحوار بينهم انهم اسرة وكل حاجه متاحة لتوفير نتيجة ايجابية ومعانا احسن نجوم في مصر ونتمنى التوفيق لان عنصر التوفيق مهم جدًا كلنا محتاجين نسعد الجماهير.

وواصل ايمن : فتوح لاعب رائع وباك ليفت المنتخب وحميد احداد اعلن انه هو الدوري ده بالنسبة له تحدي كبير الموسم ده مع الفريق.

وتابع : قعدت مع ناس محترمة وبنحب الزمالك وكيل ساسي وبن شرقي حسيت وهو بيتكلم انه بيتكلم عن بيته وقال انا مش خاين ومش هسيب الزمالك واوناجم قالي هتشوفوني بشكل مختلف الموسم ده.

وأكد يونس : كل الناس بتبذل اقصى جهدها فاروق جعفر مكوك وبيشتغل كانه رجع 20 سنة لورا واشرف قاسم وعبدالحليم علي اداري ناجح وطارق يحيى رمز من رموز الزمالك وكل حاجه هتتحل باذن الله.

واختتم حديثه : معقوله اختلف مع كابتني فاروق جعفر! او مع اشرف قاسم في ناس عاوزين يعملوا فتن عشان يعطلونا عن تحقيق الاستقرار جماهير الزمالك تابعوا القناة علشان بنقول هنا الحقيقة.