اوضح نجم وسط الزمالك احمد سيد زيزو اثناء استضافتة في برنامج اوضة اللبس مع الاعلامي احمد حسام ميدو الفارق بين المدراء الفنيين للزمالك والذي لعب تحت قيادتهم وذلك بعد سؤال ميدو له عن الفارق بين كارتيرون وجروس وباتشيكو وهل حزن علي رحيلة كارتيرون في هذا التوقيت الصعب ام لأ !!
حيث قال زيزو : ” احسن واحد عرف يتعامل مع اللاعبين هو كارتيرون كان كل اللاعبين بيحبوه وكان ذكي جدا وبيعرف يتعامل معانا نفسيا وبيحببنا فيه ”
واكمل قائلا : ” لو حد كان عنده شد كان بيدخل يفك له الشد وكان بيدخل اوضه اللبس يتكلم مع كافة اللاعبين واول مره اشوف الجميع بيحب المدرب بالشكل ده ”
وأكد زيزو علي ان كارتيرون هو افضل مدير فني يتعامل مع المباريات الكبرى حيث قال : ” كارتيرون كان بيعرف يتعامل مع المباريات الكبيرة وزعلت جدا لما مشي لانك كنت عارف بتعمل ايه وهتلعب اد ايه وحطنا ف موقف صعب ”
واكمل زيزو حديثة قائلا : ” زعلت منه وحسيت انه تخلى عننا وسمعت انه كان حابب يقعد ومعرفش للتفاصيل واللعيبه كانت عاوزه يقعد ”
وفجر زيزو مفاجأة حيث أكد انه تواصل مع كارتيرون بعد هروبة الي السعودية حيث قال : ” كلمني ع المستوى الشخصي وقالي اسف ان مشيت فجأة !! احنا اتفاجئنا يوم رحيله انه مسلمش علينا رغم انه كل يوم كان بيسلم على الجميع واتصدمنا انه قال مشي وفكرنا انها هزار و عشنا ايام صعبه بعد رحيله لان كان هدفنا افريقيا وكنا قلقانين من اللي جاي هل هيقدر يتعامل معنا ولا لأ ”
وبسؤالة حول ما اذا كان باتشيكو شبه كارتيرون ام شبه جروس قال : باتشيكو شبه جروس ومبيحبش يكون في نجم ف الفريق وانه يكون شايف نفس ”
واكمل قائلا : ” باتشيكو عنده ميزة عن جروس انه بيلعب بمرونة اكتر ومتنوع في خطط اللعب امام الفرق المنافسة اما كارتيرون وجروس كانوا بيلعبوا بنظام واحد فقط مبيتغريش مهما حصل “
