أكد حازم إمام نجم نادي الزمالك أنه يتمنى عودة مجموعة من اللاعبين الراحلين عن صفوف الزمالك خلال الفترة الماضية، وعلى رأسهم لاعبي الزمالك المنتقلين لصفوف بيراميدز
وقال “حازم” : “اتمنى كل لاعبي الزمالك اللي راحو بيراميدز يرجعوا تاني ومحمد إبراهيم وأيمن حفني وبفتقد وجود أحمد توفيق لأنه إمكانياته جيدة وقوي وهيفرق مع الزمالك،و أي حد يفيد الزمالك انا معاه حتى لو هيلعب مكاني”
وأشار :”ذكاء كارتيرون هو سر تميزه , معظم اللي بيقوله كان بيحصل في الماتش ومكنتش اتمنى رحيله قبل النهائي وجروس الجماهير بتحبه جدا”.
وأضاف ” حازم” خلال استضافته في برنامج ” اللعيب” تقديم الإعلامي ” مهيب عبد الهادي” :” أي حد بيقول شيكا منتهى ومشطب هو اللي تفكيره منتهي لان موهبته وطبيعتة جسمه تأهله يلعب لسن 37 ولحد ما هو عاوز بس الناس دايما حاطه في دماغهم”.
وتابع :” شيكا مش ظالم مين قال اتشتم بأمي واتسب في عرضي وتاخد رد فعلي وتقول شوف عمل ايه، والإنسان معرض للخروج عن شعوره وهو اتهاجم كتير معرفش ليه”.
وأكد ” حازم” :” شيكابالا من ساعة ماجاب آدم بقى هادي خالص وأصبح بيفكر في رد فعله علشان محدش يقول بيغلط بقوله انت لاعب عظيم وامكانياتك دي مشفتهاش في لاعبيه في مصر حاجه فذة اتمنى يكمل وياخد بطولة افريقيا ويجبهالنا”
وأتم : أقول لمؤمن زكريا ربنا يشفيك وانت قوي وهترجع أقوى واتمنى يرجع أحسن من الأول وهو لاعب كبير ومؤثر وكنا دايما في الزمالك بنكسبه في الناشئين وهو بيلعب في الأهلي وهو يضيف البهجة لأي مكان يتواجد فيه”.
