أكد حازم إمام نجم نادي الزمالك أن هناك اتفاق بين لاعبي الفريق على ضرورة تحقيق الفوز أمام الأهلي في المباراة القادمة في الدوري، خاصة بعد خسارة النهائي الإفريقي أمام الأهلي.
ومن المقرر أن يلتقي الزمالك والأهلي في الأسبوع الرابع من بطولة الدوري والمقرر إقامته يوم 28 من الشهر الجاري.
وقال ” حازم” :” جملة الزمالك قادم، اتقالت في فترة 2005 لأننا كنا بنعدي بفترات صعبة مكناش قادرين نكون فرقة تنافس لمن حاليا انتهت عندنا فرقه بتنافس في كل البطولات وبتاخد بطولات”.
وأشار :” حاليا مفيش لاعب بيخاف من مواجهة الأهلي كان سابقا في 2007 ناس بتكون قلقانه بسبب النتائج السابقة بس”.
وأضاف ” حازم” خلال استضافته في برنامج ” اللعيب” مع الإعلامي ” مهيب عبد الهادي” : “مباراة القمة في موعدها يوم 28 ديسمبر ميعادها مناسب جدا لأننا مستنين نلاعبهم زي ما الأهلي كان مستني يلاعبنا بعد خسارة السوبر علشان ينسي جمهور ويكسبنا”.
وتابع:” إحنا آخر ٥ سنين الزمالك متفوق على الأهلي ، كعبنا عالي ، وإحساس الجماهير انهم متاكدين أننا هنكسب الأهلي وده واصل لينا والدنيا مظبوطة معانا”.
وواصل :” اتكملنا مع بعض اننا لازم نفوز بالقمة لأننا كنا الأحق أنا ونكسب للبطولة لكن ربنا موفقناش وكل لاعبي الأهلي كويسين والشناوي حارس كبير”.
وأكمل : “الأهلي منظومة زي الزمالك وداخل عندك هدف انك تفوز ولازم تتغاضى عن أشخاص وتركز على هدفك
وأتم :” في نهائي أفريقيا كنت راجع من إصابة كورونا ولما قفشه سجل الهدف مقلقتش لكن لما بصيت على الوقت ولقيتها الدقيقة 85 قولت مش هنعوض والماتش كان سريع جدا ولما الحكم صفر دخلت غرفة الملابس فورا وكل اللعيبة دخلت غرف الملابس”.
