كشف حازم إمام نجم نادي الزمالك حقيقة وجود لاعبين ينتمون للنادي الأهلي داخل الفريق الأول لكرة القدم بنادي الزمالك، مؤكدًا أن جميع لاعبي الزمالك ينتمون في تشجيعهم إلى الفارس الأبيض.
وقال ” حازم” :” كهربا هو ممكن لشخصه كسب علشان أهلاوي وشايف انه مبسوط وهو طول عمره أهلاوي بس كان في الملعب كان بيموت نفسه”.
وأكد “حازم” :”مفيش في الزمالك حاليا حد أهلاوي مكنش غير كهربا بس ومعرفش إذا كان في الأهلي فيه زملكاوية، عندنا ناس بيشجعوا الترجي والوداد لكن كل لاعبينا زملكاوية جدا”.
وأضاف ” حازم” خلال استضافته في برنامج ” اللعيب” مع الإعلامي ” مهيب عبد الهادي” :” الزمالك عندي كل حاجه هو أول نادي دخلته في حياتي ومن25 سنة فيه وانتقلت من اكتر من بيت ومازلت في الزمالك”.
وتابع :” الـ 3 مرات اللي وقعتهم مع الزمالك كانوا على بياض ولا حرف مكتوب في الورقة وعمري ماندمت على ده رغم عدم التقدير”.
وواصل :” فيه أوقات بزعل لكن عمري ما هعمل حاجة، ومسلم أمري علشان بحب النادي بس وبمضي على بياض مش علشان مفيش أنديه اروحها”.
وأتم :”لا اخر مرتين ماضي في آخر 10 أيام في عقدي وجالي عروض أكبر من الزمالك مرتين و3، لكن لا انا قضيت 3/4 عمرى في الزمالك”.
