اخبار الزمالك

إسماعيل يوسف: يكشف طلبات باتشيكو الفنية للموسم الحالي … وسبب فشل التعاقد مع ثلاثي بيراميدز

كشف إسماعيل يوسف عضو مجلس إدارة نادي الزمالك عن الطلبات الفنية للبرتغالي جايمي باتشيكو المدير الفني لنادي الزمالك للموسم الحالي، مشيرًأ إلى أن كان نية لضم مدافع نادي مصر.

وقال ” إسماعيل” :” كنا محتاجين مدافع خامس باتشيكو طلب مدافع مش اشبال وممكن من الدرجة التانية علشان تجربة محمد عبدالغني حكيت له عليها”.

وأشار :”عرضت لاعب جيد من إف سي وكان بيلعب مع محمد عبدالغني واسمه محمود شبانه ولعبه كويس وكنت هخلص فيه واتكلمت معاه وحاليا راح أسوان”.

وأضاف ” يوسف” خلال استضافته في برنامج ” جمهور التالتة” على قناة ” أون تايم سبورت” :”كان في وعد لمصطفى محمد ياخد أفريقيا ويمشي وكنا هنتعاقد مع مهاجم بدليل كلامي مع عمر خربين”

وتابع :” ان شاء الله مصطفى يتالق الـ6 شهور دول ويحقق اللي جمهور الزمالك عاوزه وكان صعب رحيله حاليا واتمنى يكمل مع الزمالك وربنا يكرمه في الأوليمبياد ويحقق اللي متحققش السنة اللي فاتت”

وكشف” تيجانا” :” عدم إتمام التعاقد مع دونجا وعبدالله بكري ورجب بكار من بيراميدز في جزء مادي بالإضافة للحفاظ على القوام الرئيسي وده كان فكر أمير وفي مجموعة لعيبة مميزة ومينفعش تدخل حد يعمل مشاكل في أوضة اللبس”

وأتم :” اكتر حد كنا محتاجينه كان دونجا لانه صغير ووجوده كان هيعطيك حرية فنية اكتر وكان هيكون مساند لطارق حامد”

تعليقات زوار الموقع

اخبار ذات صلة