خالد الغندور : الدنيا بقت بزرميط في بزرميط .. وعروض كارفور اشتغلت – فيديو
هاجم خالد الغندور اللجنه الثلاثيه بعد ازمه مباراه الاهلي امام البنك الأهلي حيث أكد ان اللي بيعمل فتن مش قرارات خاطئه من اتحاد الكرة ضد الزمالك لكن مجامله الأهلي على حساب باقي الفرق.
وتابع : احنا دايما بنحب يكون في مبدأ تكافؤ الفرص واي لاعب بيخطئ بغض النظر بيلعب فين حتى لو الزمالك او الاهلي او المقاولون الكل ياخد عقابه وميكونش حد بيظبط حد لو انتم عاورين في عدالة بجد في الرياضه.
وأكمل : اللي حصل ان الاهلي تعادل مع البنك الاهلي والاهلي احرز الهدف مشكوك في صحته وبعد المباراة الدنيا قامت مقعدتش وحكام قالوا هدف من فاول وسمعنا عن ايقاف الحكم والشناوي اعترض بصورة غير لائقة مع الحكم ولغة فيها تهديد ووعيد واللي بيبعده هو الحكم الرابع والحكم سابه ومشي وشده بعدها وقاله اقف هنا متمشيش وتسبني.
وواصل : الحكم خاف يديله انذار او يطرده وخوف الحكم من الاعلام خلاه ميديش الشناوي انذار او طرد والحكام قالوا ليه لازم تكتب في تقريرك لان اللقطة ظهرت في التليفزيون وهتبقى في حقك.
وتابع : اللجنة اخدت قرار بابقافه رغم وجود واحد صاحب الشناوي وبيخرج معاه واحمد مجاهد الاهلاوي والعضو الثالث اهلاوي ومبيخافوش زي عمرو الجنايني اللي كان ضد الزمالك قلبا وقالبا رغم الي بيتقال عليه مشجع درجة ثالثه وفوجئنا بعد اقل من 24 ساعة والساعة 12 بالليل بقرار تخفيض العقوبة من4 مباربات لمباراة واحده علشان الشناوي يلعب ضد بيراميدز , ومحمود وادي اللي سب الحكم بالام والحكم كتب في تقريره اخد8 مباريات تم تخفيضهم لـ4 مباريات واللاعب اللي شد السماعه اخد 6 مباريات , واللاعب اللي معملش حاجه خالص امام عاشور اتوقف مباراة.
وهاجم الغندور اتحاد الكرة وأكد : عمل زي كارفور الناس تروح تشتري تليفزيون علشان تشوف ماتش بيراميدر بعد ما تأكدت ان اي لاعب هيعتدي على الحكم هياخد مباراة واحده طالما ليه ظهر او بيلعب في نادي كبير و اللي مالوش ظهر بياخد 6 و 8 و 10 مباريات وده بيحصل من اتحاد الكرة الي خلى الدنيا بزرميط في بزرميط للاسف.
وأتم : بقول مبروك للاتحاد الكرة الي وصل للمباراة النهائية مع كاررفور في التخفيضات و مبروك للزمالك اللي بيكسب بجهده وعرقه وتعبه وبيخسر ويكسب ويتعادل وبيتعرض لعقوبات لو لعيبته غلطت لكن للاسف العداله غير موجوده.
شاهد :
وكان الأعلامي خالد الغندور أكد في فيديو عبر صفحته الشخصيه في موقع التواصل الاجتماعي عن خطواته القادمه في الاعلام الرياضي وموقفه من الاستمرار في قناه الزمالك.
وقال خالد الغندور : قررت الاستمرار في قناة الزمالك لمدة سنة قادمة وتجديد عقدي احتراما لجمهور الزمالك ولشركة اعلام المصريين اللي متمسكه بوجودي في القناه.
وواصل : هكون متواجد عشان ندافع عن الحق والعدل ولمسانده النادي خلال الفترة المقبله واحتراما لجمهور الزمالك والشهر الجاي هقدم برنامج اذاعي في الراديو بمشاركة لاعب اهلاوي.
