سامي الشيشيني عن أسباب رحيله عن الزمالك: “مينفعش لاعب ياخذ 150 ألف وأنا أخد 20 ألف جنيه” – فيديو
كشف سامي الشيشيني المدرب العام السابق لنادي الزمالك عن أسباب رحيلة عن الجهاز الفني للزمالك خلال الفترة الماضية، مشيرًا إلي أنه لم يكن هناك نوع من العدل المادي داخل الفريق.
وكان الشيشينى قد رحل عن الجهاز الفني السابق للزمالك خلال تولى الفرنسي باتريس كارتيرون الإدارة الفنية للفارس الأبيض.
وقال ” سامي” :” اشتغلت في الزمالك وحصلت على بطولتين كان في مشاكل مادية مينفعش لاعب ياخد اكتر مني انا اخذ 20 الف مكافاة بطولة ولاعب ياخد 150 ألف “.
وأشار :” حصل تقليل من شغلي وده كان صعب عليه وكان في إصابات كورونا ومتقدريش ماديا واخد بلائحة واللاعب بره اللائحة”.
وكشف ” الشيشيني” :” كنت باخد مرتب قليل ومتكلمتش فيها وحتى لما خدت بطولات وصعبت عليا نفسي في بعض المواقف ولما انتيمي محمد صيام توفى بسببها قعدت في بيتي”.
وأضاف “سامي” خلال مداخلة مع برنامج ” ملعب اون” على قناة ” أون تايم سبورت” : “انا مقصرتش والزمالك صاحب الفضل عليه وخرجت والزمالك واخد بطولتين”
وأشار ” بقول لرؤساء الأندية متستعجلوش على رحيل المدربين لان الفرق قرية جدا وحتى الفرق الصاعدة منهم فرقتين لديها إمكانيات فنية ومادية”.
وتابع :” أقرب فرق للهبوط أسوان والمحلة بسبب عدم التدعيمات القوية، والزمالك اداءه رائع السنة دي واللعيبة مركزة وطبيعي يتعادل مع بيراميدز ولوكسب الجونة هيفرق عن الأهلي ومبيقفش على حد وهناك بدائل ممتازة”.
وواصل :” إمام عاشور مستواه ابهرني لانه لاعب جوكر وملتزم ومؤدب، وهو عنده لسه كتير وقالي انه بيلعب باك يمين وفي سوبر الأهلي بالإمارات كان إمام بديل كظهير أيمن”.
وعن أزمة تجديد عقد فرجاني ساسي :” ساسي لاغنى عنه ولازم يحط حب الجمهور كمادي ويشيل جزء من طلباته أمام حب الجمهور ولو هجدد له احط له مليون ونصف دولار لان النادي مش هيتحمل اكتر من كده والزمالك عنده مشكلة ماليه لان مبيتمش الصرف على كرة القدم بس في لعيبة في الصالات بتاخد ملايين”.
وعن فكرة رحيل مصطفى محمد أوضح :” انت عندك مشكلة ما بين تبيع مصطفى محمد لان محتاج فلوس وبين أن مصطفى مهم جدا وممكن بديله حسام حسن لاعب سموحة”
وأكد ” سامي” :” مصطفى مالوش بديل وقولتله اطلب اللي عاوزه وانت ف الملعب النادي اللي كبرك وجماهيره محتاجين تقف معهم هم الي خلوك احسن لاعب ورد الجميل يكون في الملعب”.
شاهد:
