فاجئ الإعلامي سيف زاهر مسؤلى نادي الزمالك بطلب خاص عبر تقديمه حلقة جديدة من برنامج ” ملعب أون” على قناة ” أون تايم سبورت” بخصوص صور تقديم اللاعبين الجدد والذين يتم تجديد عقودهم.
وقال “سيف” :” طلب ورجاء لمسؤولي نادي الزمالك في حالة التجديد للاعب مينفعش تكون كل القامات الموجود في الإدارة دي موجودة معاه في الصورة، خاصة وإن نادي الزمالك كبير جدًا ولما يجدد أو يمضى لأى لاعبي دى إضافة كبيرة للاعب ده”.
وأشار :” نادي الزمالك سيظل النادي الكبير، ولما بيجى يمضى مع أى لاعب مش المفروض تكون الصورة 12 واحد، المفروض يكون مدير التعاقدات او المسؤول عن الملف فقد هو اللى يظهر في الصورة”
وأضاف “سيف” خلال تقديمه حلقة جديدة من برنامج ” مساء أون “على قناة “أون تايم سبورت” :” نادي الزمالك نادي وكيان كبير ولازم اللاعيبة تعرف الكلام ده، وفي النادي الأهلي بنشوف كابتن سيد عبد الحفيظ او أمير توفيق هما اللى بيظهروا فى الصورة وشكرًا”
وتابع :” الناس واللاعبين لازم يعرفوا قيمة كيان نادي الزمالك وأنهم بيلعبوا فى مكان كبير اسمه الزمالك، والكلام ده ينطبق حتى اللاعبين الكبار زى فرجاني ساسي وغيره”
وواصل :” أتمنى من اللاعبين الموجودين تبقى عارفة قيمة نادي الزمالك وعارفة في انهم بيلعبوا فى كيان عامل ازاى ولازم يعرفوا قيمة جمهور الزمالك، زى ما شيكابالا بيعمل دايما”
شاهد:
