أكدت تقارير صحفية فرنسية اقتراب نادي سانت إيتيان من التعاقد مع مصطفى محمد مهاجم فريق الكرة الأول بنادي الزمالك.
وذكرت صحيفة “فرانس فوتبول” الفرنسية، أن صفقة مصطفى محمد قريبة من سانت إيتيان ولكن المبلغ المالي لم يحدد بعد، لافتا إلى أن الزمالك طلب في البداية 6 ملايين يورو مع وجود حالة من الرفض الشديد لبيع اللاعب، ولكن رغبة الأخير جعلت المفاوضات تتقدم بين الطرفين”.
وغاب مصطفى محمد عن تدريبات الزمالك في آخر مبارتين أمام سموحة وإنبي، بحجة الإصابة، إلا أنه يرغب في الموافقة على سفره لخوض تجربة الاحتراف.
وفي سياق آخر، أكد يوسف ابراهيم اوباما لاعب خط وسط الزمالك ان فرجاني ساسي لاعب زكي ولا يوجد مثله في مصر ، مشيرا الي انه سيكون زكي في التجديد بالزمالك مثلما هو زكي داخل الملعب
واضاف انه ساسي سيجدد عقده ، وان لم يفعل ذلك سيتوجه اليه ويشتيك معه ، لانه لن يقبل ان يغادر اللاعب ناجي ميت عقبة.
وقال :ان شاء الله احسن من مستوايا وبقعد مع نفسي وهحاول اشتغل ع نفسي والزمالك خسر في 5 ماتشات شاركت في واحد انا لما بكون ف الملعب بلعب علشان منخسرش وانا مش بشكك ف حد
واضاف : انا جينات نادي الزمالك واي لاعب زملكاوي بيكون عنده مهارات وبلعب كعوب بيكون غصب عني ومش قصدي
وتابع : ياريتني ماشوفت خسارة الزمالك ف نهائي افريقيا ده اصعب موقف ف حياتي واحنا بنلعب من اول الموسم علشان الحلم.ده وكان صعب علي ان.ملعبش بسبب الكورونا كنت نازل اتمرن قبل الماتش بيوم لقيت الدكتور بيقولي مش هينفع تلعب علشان عندك كورونا دي لحظة صعبة جدا
واستكمل : كان نفسي ابقى موجود ف الماتش وكنت واثق في زمايلي لانه كان حلمنا واحنا مبنركزش مع السوشيال ميديا احنا كلنا واحد واي لاعب بيشارك هيأدي، الاستقرار اترجم لحصد البطولات الفترة الاخيرة.
واضاف : دوري ايه اللي مش اخدناه دوري جروس اللي اتأجل كله ولا دوري ايه انا مش هحط نفسي ف حته تانيه احنا بنعمل اللي علينا وبنجتهد وفي ظروف بتمنعنا وظروف ودلائل بتحصل
وواصل : في اجنبي صاحبي لسه جاي مصر ويقولي ليه بنلعب ف السويس ومنلعبش في القاهرة،ومينفعش تبقى فرق 10 بنط مع المنافس والماتشات تتأجل وبعدها تكمل ويبقى الفرق نقطتين تلاته
واستطرد : جمهور الاهلي بعد اصابتي بكورونا جم عند البيت وهم ببحتفلوا ببطولة افريقيا ودعموني ولوقعدت اشكرهم للسنة الجايه مش هعطيهم حقهم هم اخواتي وبحبهم جدا
وتابع : احلى حاجه ف الكرة انها تعطيك فرصة للتعويض ولازم تكون مؤمن انك لازم ترجع حقك وبطولة افريقيا حق جماهيرك ولازم نعمل ده وان شاء الله نحصل على البطولة وكل اللي بيتمناه الجمهور لاني واحد منهم احنا بنتجهد والتوفيق بتاع ربنا الاهلي اخدها مبروك الزمالك ان شاء الله ياخدها السنة دي
واتم : بحب كرة حسام غالي وكابتن حازم امام مثل اعلى لي ورقم 14 مهووس به وكنت بكتبه علي الحطيان وانا بذاكر
