مصطفي محمد يوجه رسائل نارية : نفسي يقولوا لي كلام واحد وبلاش يلعبوا بمشاعري ..التصريحات بالكامل – فيديو
وجه مصطفى محمد مهاجم الفريق الأول لكرة القدم بنادي الزمالك رسالة قوية إلى مسؤولي لجنة الكرة بالنادي، مؤكدًا أنه يريد وضوح أكثر من قبل مسؤولي النادي في عملية التفاوض حول خوضه تجربة الاحتراف الخارجي.
ويتمسك مصطفى محمد بخوض تجربة الإحتراف خلال الفترة القادمة، خاصة بعد تقديم عرض رسمي من قبل نادي سانت إتيان الفرنسي.
وقال ” مصطفى” :” انا فى النادي محدش واضح معايا ناس تيجى تقولى انت هتمشى وانت واخد وعد انك تمشى، وترجع تقول لا على العروض المقدمة”.
وأشار: ” انا رديت عليهم انى حلمى إنى احترف وأنا سنى بيكبر ومش بالساهل يجيلى عرض فى شهر 6 و هيكون فى نهاية الموسم وهنكون صعدنا في بطولة دوري أبطال أفريقيا واكيد ساعتها مش هسيب الزمالك فى الوقت ده”.
وأضاف “مصطفى” فى مداخلة مع برنامج “أوضة اللبس” على قناة ” النهار” تقديم أحمد حسام “ميدو” :” لو مشيت فى شهر 6 بعد الصعود في بطولة أفريقيا هيكون وحش فعلا لكن انا عايز امشى دلوقتى علشان ده حلمى، ونفسي ارفع اسم نادي الزمالك برة وانا حاطط خطة لنفسى انى بعد سنه ونص اطلع فى حته أفضل من الدوري الفرنسي”
وعن حقيقة غيابة عن التدريبات الجماعية للفريق أوضح :” اقسم بالله غبت تمرين واحد علشان ظروف صحية لوالدتى، وفى نفس الوقت الناس طلعت تقول مصطفى محمد متمرد”.
وتابع :” علشان مش عارفين يتعاملوا معايا دخلوا الجمهور فى القصة وقالوا مصطفى متمرد، رغم انى مش كده انا طول عمرى بحب الزمالك وعمري ما طلبت أي حاجة إضافية أو فلوس زيادة”
وكشف :”باتشيكو اول ما جه قولته جايلى عرض وانا عايز امشى واحترف والراجل قالى انا جاى للفرقة علشانك انت وكذا لعيب وبعد افريقيا أنا هساعدك انك هتمشى وخت وعد منه انى اخرج للإحتراف”
وتساءل “مصطفى” :” هل مطصفى دلوقتى طلع متمرد وانا غبت تمرينه واحدة علشان والدتى وكان عندي الم في ظهري والظروف كلها جت كدة وانا متوقعش عليا جنيه واحد غرامة علشان انا لم أتمرد على الفريق”.
وأتم :” حابب بس الناس في النادي تكون واضحة وجبت لهم الفلوس اللى عايزينها لكن مش كل شوية حد يجى يقولى حاجة، لكن هنا بيلعبوا بمشاعرى وكل كل شوية حد يقولى حاجة ودى حاجة بتعب الواحد”.
شاهد:
