احمد صالح : لاعب الزمالك الافضل في الدوري المصري .. وفرص مشاركته مع باتشيكو معدومة !!

اشاد احمد صالح نجم الزمالك السابق بقدرات مصطفي فتحى لاعب الفريق المعار لنادي سموحة مؤكدا انه الافضل في مركزه بالدوري المصري ولكن فرصة مشاركته مع البرتغالي باتشيكو معدومة

حيث قال :بحب الكرة تروح لمصطفى فتحي وعبدالله جمعة لانهم مهاريين وانا بحب الاعب المهاري ، ومصطفى افضل لاعب فى مكانه فى الدوري المصري وفرص لعبه مع باتشيكو معدومة

وواصل : وكان لازم يطلع من الزمالك لان دوره كان هيجي متأخر وكان لازم يرجع مصطفى علشان المنتخب لاعب مهم ومهاري وفارق مع سموحة والناس واخده انه ميقدرش يلعب غير نص ساعة بس
وربنا يبعد عنه الاصابات

واضاف : مصطفى مبصش للفلوس بص ازاي ارجع تاني وفكر ان الفرقة الي دي اللي هتنجحني وبقوله انت لاعب سوبر واسمك موجود

واستطرد : والاصابة اللي عطلته مش حاجه فنية اللي معطلاه هو عارف امكانياته ومبيكلمش وبيأدي دوره وهو لاعب ملتزم واكيد عاوز يرجع الزمالك ويعرف الناس انه خف واتمنى يرجع الزمالك تاني

واتم : وهو بيلعب معنا في سموحة باستمرار وكابتن احمد سامي مدرب شاطر ومصطفى كمان بيدافع وعملنا له برنامج كويس اشتغل عليه