اول تعليق من خالد الغندور بعد تألق مصطفي محمد مع جالاطا سراى : لعب علي فالكاو يا بلال

اشاد خالد الغندور مقدم برنامج زملكاوي عبر قناة الزمالك بتألق مصطفي محمد مع جالاطا سراي ، مؤكدا ان احمد بلال كان يقول انه لن يلعب في وجود فالكاو وبالفعل شارك وتسبب في فوز الفريق

حيث قال خالد الغندور : ناس كتير متوقعتش تألق مصطفى محمد وكنت مع احترافه وزملكاويه كتير زعلوا مني وانا كنت خايف من بدايته وماتش امبارح كان بيلعب ف درجة حرارة منخفضه وفي تلج ، وكان هنا بيلعب ف جو حر  وبيلعب،مع لعيبة متعوده وكانوا بيشيلوا التلج من الارض علشان يعرف يسدد ضربة الجزاء

وواصل : لما كنت بلعب فى افريقيا كنت بكون قرفان لكن الرجل ده في التلج ده ويعمل التيك اوف ويتسبب في الهدف الاول ويحرز هدف

وتابع : وكنت لما بقول نطته متقلش عن رونالدو هاجموني وقالوا ايه ده هو حرام شرعا ان لاعب مصري يكون عنده هيدر ووثب زي لاعبه عالميه
ولما قولت هو احسن من مبابي

واستكمل : دلوقتي مصطفى بيلعب مع جالاتا سراي وحتى احمد بلال يقولوا له تفتكر مصطفى هيلعب على فالكاو رد وقال ده فالكاو انت اتجننت اهو لعب عليه وهو اللي بيكسبهم ، واللي مكسر الدنيا فى الريال وقاعد احتياطي

واستطرد : مصطفي ده من احسن لاعبي الراس بالعالم ده مصري اه ومصطفى شكله كده وتكوينه كده
الصحف التركيه قالوا انه تقمص دور محمد صلاح التاني وبيشيدوا به وانهم مش مصدقين البداية القويه،

واتم : ولابيكلم تركي ولا انجليزي ولا احترف قبل كده ولا بيلعب فى التلج ولما خرج من الزمالك راح طنطا والجيش واتصاب باصابة كبيرة ورجع وهدفه ف الاهلي مش اي حد يجيبه واحرزه في الشناوي الحارس الاول ف مصر واجيب هدف فى الرجاء بالنطه دي وهو لاعب لسه صغير