اخبار الاهلي

حسام غالى وسيد معوض يهاجمان موسياني بعد خسارة الأهلي أمام بايرن ميونخ

علق الثنائي حسام غالى وسيد معوض على أداء الأهلي أمام بايرن ميونخ فى نصف نهائي بطولة كأس العالم للأندية والتي تم انتهت بفوز بطل أوروبا بثنائية نظيفة.

وقال ” غالي” :” زعلان من الخسارة اليوم و اللاعبين عملوا اللي عليهم وكان ممكن يكون في أحسن من كده اللاعبين عملوا أداء جيد و كانوا واقفين علي رجليهم و كان في تركيز و عارفين حجم المنافس”.

وأشار :” بس عتابي فني و مش بجرح في الأهلي و تمثيل مشرف والناس كلها أشادت يده بس هتكلم فني هناك أخطاء فنية في المباراة كل مدرب بينزل بيبقي قارئ و عارف المنافس و بيقسم الماتش و بيلعب علي هذا الأساس بس ده محصلش النهاردة”.

وأضاف “غالي” خلال استضافته في برنامج ” اللعيب” على قناة ” غم بي سي مصر” : ” شفنا ده في التشكيل لما ابقي بلعب من الشناوي و بدر بانون علي الكرات الطولية مكنش ينفع كهرباء عكس المباراة السابقة و ده يدل علي عدم دراسة المباراة و المنافس من المدرب”.

وتابع :” كان يجب أن يكون هناك أكتر من سيناريو بعد استقبال الهدف الأول و بعد انتهاء الشوط الاول بهدف وحيد و كان يجب لازم ينزل الشوط التاني عارف النقاط الي هلعب عليها الشوط التاني”.

وواصل ” غالي” :” الشوط الأول كنت منزل لاعبين هجوميين وبلعب بشكل دفاعي و الشوط التاني عملت تبديلات دفاعية و طلبت منهم مهام هجومية انا مش بقطع ولا بهاجم الأهلي”.

وأتم :”أنا من أبناء الأهلي و زعلان من الهزيمة أنا طماع وكنت عاوز اطمع في الماتش أمام بايرن ميونيخ و بكررها انا مش بجرح ولا بقطع دي كلها تساؤلات و بنطلب من المدرب يعني يكون هناك اجابات و شرح للأمور دي”.

ومن جانبه قال سيد معوض نجم الأهلي السابق :” : لما بتختار طريقة لعب بيبقي في أهداف ناخد من كلام حسام غالي أن منزل لاعبين هجوميين بمهام دفاعية”.

وأضاف :” أظن لو كان التشكيل مختلف كان الأداء هيبقي مختلف بوجود ديانج أيضًا و أحنا بنتخيل و بنشوف البايرن حاجه وهم و صعبه و بطل أوروبا بس علي أرض الملعب ممكن يبقي الوضع مختلف”.

وأشار ” معوض” :” الأهلي أضاع الشوط الأول وهو بعيد تمامًا عن المباراة و ملومش اللاعبين الوم علي المدرب الخطأ كان في بداية المباراة في التشكيل الأساسي ديانج و بواليا كان لازم يشاركوا لعب الكرة الطولية كان محتاج بواليا”.

 

تعليقات زوار الموقع

اخبار ذات صلة